«AMANAT»-tyń máslıhattarǵa partııalyq tizimderi 75%-ǵa jańardy

ASTANA. QazAqparat - «AMANAT»-tyń óńirlik jáne aýmaqtyq fılıaldary konferentsııalarynyń qorytyndysy boıynsha partııadan oblystardyń, Almaty, Astana jáne Shymkent qalalarynyń máslıhattaryna tizimder bekitildi. Sondaı-aq oblystyq jáne aýdandyq máslıhattarǵa birmandatty okrýgter boıynsha kandıdattar usynyldy. Bul týraly «AMANAT» partııasynyń Tóraǵasy Erlan Qoshanov Facebook jelisindegi paraqshasynda jazdy.

«AMANAT» partııasy óz kandıdattaryn barlyq depýtattyq mandatqa, ıaǵnı barlyq deńgeıdegi 223 máslıhatqa usynady. Osylaısha, jańa saılaý zańnamasyna sáıkes partııalyq tizimder boıynsha 740 adam jáne birmandatty saılaý okrýgteri boıynsha 3081 adam usynyldy. Barlyǵy 3821 úmitker.

Partııalyq tizimderde 20 óńirlik máslıhatta «jańa esimderdiń» úlesi – 75%-dy quraıdy. Onyń ishinde áıelder – 31%, 29 jasqa deıingi jastar – 23%. Úmitkerlerdiń ortasha jasy – 46. Olardyń arasynda kásipkerlik, bilim jáne ǵylym, azamattyq sektor, aýyl sharýashylyǵy, mádenıet, densaýlyq saqtaý jáne BAQ salasynyń ókilderi basym.

Aýdandyq jáne qalalyq máslıhattarǵa birmandatty saılaý okrýgteri boıynsha partııadan 2747 kandıdat usynylady. Taldaýǵa sáıkes, kandıdattardyń ishinde áıelderdiń úlesi – 28%-dy, 29 jasqa deıingi jastar 23%-dy quraıdy. Olardyń ortasha jasy – 48. Sonymen qatar, partııadan erekshe qajettiligi bar 56 adam saılaýǵa túsedi.

«Memleket basshysy máslıhattar jergilikti ózin-ózi basqarýdyń negizgi býyny bolýy tıis ekenin aıtqan bolatyn. Partııalyq tizim boıynsha da, birmandatty okrýgterde de biz usynǵan kandıdattar – óz isiniń mamany, halyqtyń ıgiligi úshin jumys isteýge daıyn patrıottar. Bul rette, «AMANAT» partııalyq tizimderiniń jańarýy byltyr bastalǵan partııany tereń transformatsııalaýdyń nátıjesi deýge tolyq negiz bar. Aldaǵy saılaý naýqanyna «AMANAT» jańa maqsat-múddeni kózdep barmaq. Onyń basty mıssııasy – Memleket basshysynyń qoǵamdyq tiregi bolý jáne Ádiletti Qazaqstandy qurý. Biz ashyq saıası básekege daıynbyz!», - dep jazdy partııa tóraǵasy.