AMANAT partııasynyń quramynda jastar kóp bolǵany abzal - Aıbolat Jáýdir

ALMATY. QazAqparat – Saıası partııa ataýynyń ózgerýi - Halyq únine qulaq asatyn memlekettiń qalyptasqanyn bildiredi. Mundaı pikirdi Qalıbek Qýanyshbaev atyndaǵy qazaq memlekettik akademııalyq mýzykalyq drama teatrynyń dırektory Aıbolat Jáýdir aıtty, dep habarlaıdy QazAqparat tilshisi.

«Halyq únine qulaq asatyn memleket qalyptasty. Partııa ataýynyń ózgergeni durys. Bul - ýaqyt pen halyq talaby. Sebebi, halyq tarapynan kóptegen usynystar boldy. Ony áleýmettik jeliden, baspasóz betterinen, telearnalardan kórip júrmiz. Qazaqta «Amanatqa qııanat jasalmaıdy» degen jaqsy sóz bar. «Amanat» ataýynyń ózi árqaısymyzǵa úlken jaýapkershilik júkteıdi. Elimizdiń ári qaraı damaýyna, ekonomıkamyzdyń jaqsarýyna yqpal etetin senimdi qadam»,-deıdi Aıbolat Jáýdir.

Onyń aıtýynsha, partııa halyqqa jaqyn bolýy tıis.

«Partııa halyqqa jaqyn bolýy kerek. Óıtkeni, olardyń muń-muqtajy, ótinish-tilegi bar. Memleket halyqqa qyzmet jasaıtyn qurylym. Halyqtyń erkin damýyna múmkindik beretin, qoǵam tabıǵatynan týyndaıtyn ortaq isterdi atqarýǵa qajetti basqarýdyń joǵarǵy dárejede uıymdasqan júıesi, saıası bılik uıym. Osy turǵydan alǵanda bul jańashyldyq qajet-aq»,- dedi teatr dırektory.

Sonymen qatar, ol partııa qatarynda jastar kóbirek bolýy kerek ekenin tilge tıek etti.

«Jańa ataýǵa ıe bolǵan «Amanat» saıası partııasynyń quramynda jastar kóp bolǵany abzal. Búgingi kúni belgilengen basymdyqtarǵa jastar da atsalysýy kerek. Birinshiden, olar tájirıbe jınaqtaıdy, ekinshiden, alǵa qoıǵan maqsattar nátıjeli bolady, úshinshiden, eldiń damýyna úles qosady dep esepteımin»,- deıdi spıker.