AMANAT partııasy AES salý týraly bastamany qoldaıdy

<p>ASTANA. KAZINFORM &ndash; Premer-Mınıstr jáne Úkimet músheleriniń qatysýymen &laquo;AMANAT&raquo; partııasy fraktsııasynyń keńeıtilgen otyrysynda Oljas Bektenov depýtattarǵa Prezıdenttiń Joldaýlary men 2023-2029 jyldarǵa arnalǵan &laquo;Ádiletti Qazaqstan: bárimiz jáne árqaısymyz úshin. Qazir jáne árdaıym&raquo; saılaýaldy baǵdarlamasynyń iske asyrylý barysy jóninde málimet berdi, dep habarlaıdy Úkimettiń baspasóz qyzmeti.</p>

Fraktsııa depýtattarymen baıandamany talqylaý qorytyndysy boıynsha Májilis Tóraǵasy Erlan Qoshanov álemdegi kúrdeli geosaıası ahýalǵa jáne eldegi tabıǵı apattarǵa qaramastan, memlekettiń negizgi áleýmettik mindettemeleri tolyq oryndalyp jatqanyn aıtty. Sonymen qatar ol halyqty alańdatyp jáne Úkimet tarapynan basa nazar aýdarylýyn talap etetin birqatar máselege toqtaldy. Bul – kóktemgi sý tasqynynyń saldaryn joıý, baǵanyń ósýi, jumyssyzdyq, jylý berý maýsymyna daıyndyq, mektepter men aýrýhanalar jetispeýshiligi. Sonymen qatar Májilis Spıkeri elimizdiń bolashaǵy úshin atom elektr stansasyn salýdyń strategııalyq mańyzyn erekshe atap ótti.

«Qazirgi ýaqyttaǵy qyzý talqylanyp jatqan eń ózekti másele – Atom elektr stantsııasyn salý. AMANAT fraktsııasynyń depýtattary Memleket basshysynyń referendým ótkizý týraly ıdeıasyn tolyq qoldaıdy. «AMANAT» partııasy osy naýqandy Úkimetpen birlesip, joǵary deńgeıde ótkizýge atsalysýǵa, keń aýqymda aqparattyq-túsindirý jumysyn uıymdastyrýǵa daıyn. Elimizdegi barlyq saıası partııalar, úkimettik emes uıymdar bizben birge Prezıdenttiń osy progressıvti bastamasyn iske asyrýǵa jumylady dep senemiz», — dedi Erlan Qoshanov.

Otyrysty qorytyndylaı kele, Májilis Spıkeri Premer-Mınıstr Oljas Bektenovke jáne Úkimettiń barlyq múshesine birlesken jemisti jumysy úshin alǵysyn bildirdi. Bul rette, ol fraktsııa Premer-Mınıstr laýazymyna qatarynan ekinshi ret kandıdatýra usynyp otyrǵanyn, al Májilis komıtetteri mınıstrler kabınetiniń árbir múshesiniń kandıdatýrasyn kelisetinin aıtty. Sondyqtan depýtattar men Úkimet Memleket basshysynyń barlyq tapsyrmasynyń oryndalýy boıynsha halyq aldynda da, Prezıdent aldynda da jaýapkershiligi ortaq. Májilis Tóraǵasy dál osy tásil Qasym-Jomart Toqaev jarııalaǵan «Kúshti Prezıdent – yqpaldy Parlament – esep beretin Úkimet» qaǵıdatyn júzege asyrýǵa múmkindik beretinin atap ótti.