AMANAT medıa syılyǵyna ótinimder qabyldaý júrgizilýde

NUR-SULTAN. QazAqparat - «AMANAT» medıa syılyǵyna – 2022 jýrnalıster arasyndaǵy respýblıkalyq baıqaýǵa ótinimder qabyldaý júrgizilip jatyr, dep habarlaıdy QazAqparat.

Buqaralyq aqparat quraldary ókilderiniń áleýetin arttyrýǵa baǵyttalǵan ashyq baıqaýda elimiz úshin asa mańyzdy saıası, ekonomıkalyq, áleýmettik, mádenı taqyryptar qamtylǵan úzdik materıaldar synǵa túsedi.

Bıylǵy medıa syılyq BAQ janrlary boıynsha emes, taqyryptyq baǵyttar boıynsha usynylǵan úzdik jumystarǵa beriledi.

Sondaı-aq «AMANAT» medıa syılyǵy aıasynda arnaıy Ahmet Baıtursynuly atyndaǵy «Sóz zergeri» syılyǵy, Sherhan Murtaza jáne Kamal Smaıylov atyndaǵy «Televızııa úzdigi» jáne belsendi azamattyq ustanymy úshin degen nomınatsııada arnaıy syılyqtar qarastyrylǵan.

Ótinimder 20 mamyrdan 20 maýsymǵa deıin qabyldanady. Jeńimpazdar 24 maýsym kúni saltanatty túrde marapattalady. Bıylǵy baıqaýdyń úzdikteri «AMANAT» medıa syılyǵy músinshesimen jáne qarjylaı syılyqpen marapattalady.

Baıqaý jeńimpazdary eki baǵyttaǵy on nomınatsııa boıynsha anyqtalady.

Taqyryby boıynsha:

· «Jańa Qazaqstandy» qurý týraly úzdik materıal;

· «AMANAT» partııasynyń transformatsııasy týraly úzdik materıal;

· Áleýmettik máselege arnalǵan úzdik materıal;

· Aımaq týraly úzdik materıal;

· Qazaqstan Respýblıkasynyń Memlekettik rámizderiniń 30 jyldyǵy; týraly úzdik materıal;

· Jastar týraly úzdik materıal;

· Rýhanı-mádenı damýǵa arnalǵan úzdik materıal.

Arnaıy syılyqtar:

· Ahmet Baıtursynuly atyndaǵy «Sóz zergeri» syılyǵy;

· Sherhan Murtaza jáne Kamal Smaıylov atyndaǵy «Televızııa úzdigi» syılyǵy;

· Belsendi azamattyq ustanymy úshin syılyǵy.

Tolyq aqparatty amanatpartiasy.kz saıtynan alýǵa bolady. Baılanys úshin: 8-7172-916-005, 8-778-097-55-23. Elektrondyq mekenjaı: [e-mail]