Amanat halyqtyń amanatyn oryndaıtyn saıası qurylym bolýy tıis – Erbol Tileshov

NUR-SULTAN. QazAqparat – Sh. Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynyń bas dırektory Erbol Tileshov «Nur Otan» partııasynyń «Amanat» bolyp ózgerýi men partııa sezinde qabyldanǵan sheshimder týraly pikir bildirdi, dep habarlaıdy QazAqparat.

«Memleket basshysy Qasym-Jomart Toqaev Nur Otan partııasynyń sezinde partııanyń qazirgi kezeńdegi jańasha saıasaty men baǵyttaryn atady. Partııanyń halyqtyń múddesine oraı qyzmet atqarýy Prezıdent sóziniń negizgi ózegin qurap, osy ıdeıany meılinshe tarqatyp jetkizip, onyń negizgi strategııalyq mazmunyn baıandady. Mysaly, eń aldymen partııany «Amanat» dep ataýdy usyndy. Bul - qazaqy uǵymda úlken ónegesi bar sóz. ıAǵnı, partııa halyqtyń amanatyn oryndaýshy saıası qurylym retinde osy uǵymnyń údesinen shyǵýy tıis», - dedi E. Tileshov.

Ortalyq basshysynyń aıtýynsha, fraktsııa jumysyn belsendi etý, mindetterdi shynaıy oryndaý jáne azamattardyń múddesi men eldiń órkendetýdegi róli men mańyzyn arttyrý da Prezıdent baıandamasynyń negizgi arqaýy boldy.

«Memleket basshysy partııa jumysyn halyq ıgiligine qurýǵa aıryqsha mán berdi. Endigi ýaqytta partııa músheleri osy mindetti oryndaýǵa belsene kirisedi dep oılaımyz», - deıdi Erbol Tileshov.