Amanat-2022 medıa syılyǵynyń jeńimpazdary anyqtaldy

NUR-SULTAN. QazAqparat – Buqaralyq aqparat quraldary qyzmetkerleri kúni qarsańynda «Amanat» partııasy jýrnalıster arasyndaǵy «Amanat-2022 medıa syılyǵy» respýblıkalyq baıqaýynyń qorytyndysyn jarııalady, dep habarlaıdy QazAqparat partııanyń baspasóz qyzmetine silteme jasap.

Saltanatty rásim barysynda partııanyń Atqarýshy hatshysy Ashat Oralov bul medıa syılyqtyń 10 jyldan astam tarıhy bar ekenin atap ótti. Bıyl jańa formatta uıymdastyrylǵan baıqaý janrlyq sıpattan taqyryptyq baǵytqa aýysyp, qosymsha Ahmet Baıtursynuly atyndaǵy «Sóz zergeri» jáne Sherhan Murtaza men Kamal Smaılov atyndaǵy «Televızııa úzdigi» arnaıy syılyqtary engizildi.

«AMANAT» medıa syılyǵy – halyqtyń úzdik jýrnalısterge bildirgen alǵysy. Sebebi, jýrnalıst – halyq únin jetkizetin, memleket múddesi úshin kúresetin tulǵa. Osy saltanatty keshke úzdikterdiń úzdigin anyqtaý úshin jınalyp otyrmyz. Meniń oıymsha, jýrnalıst degen mamandyqty tańdaýdyń ózi – úzdik bolý. Elimizde Prezıdent Qasym-Jomart Toqaevtyń jetekshiligimen óte úlken, tarıhı ózgerister júrip jatyr. Onyń mán-mazmunyn halyqqa jetkizý isi úlken jaýapkershilikti, asa zor sheberlik pen kásibılikti talap etedi. Bul mindetti sizder óte joǵary deńgeıde atqaryp kelesizder. Baıqaý Jańa Qazaqstandy qurý isinde elimizdiń aqparattyq keńistigin kúsheıtýge yqpal eteri sózsiz», - dedi Ashat Oralov.

Baıqaý komıssııasynyń tóraǵasy, belgili jýrnalıst, aqyn, «Amanat» partııasynan saılanǵan Májilis depýtaty Janarbek Áshimjannyń aıtýynsha, bıyl qazylar alqasyna 260-tan astam ótinim joldanǵan.

«Bıyl kelip túsken jumystardyń 70%-dan astamy tek aımaqtyq buqaralyq aqparat quraldarynan, ıaǵnı óńirlerden joldanǵany qýantty. Jas jýrnalıster de belsendilik tanytty. ıAǵnı, otandyq jýrnalıstıkada qalamy tóselgen metrlermen qatar jas mamandardyń tarapynan da úlken qyzyǵýshylyqty baıqadyq. Árıne, bul baıqaý olardyń shyǵarmashylyq sheberligin shyńdaı túseri anyq. «Amanat» medıa syılyǵynyń basty maqsaty da sol», - dedi Janarbek Áshimjan.

Sonymen, baıqaý komıssııanyń sheshimimen jeńimpaz tanylǵandar:

«Jańa Qazaqstandy» qurý týraly úzdik materıal» nomınatsııasy boıynsha – «KTK» telearnasynyń tilshisi Asqarbek Qazanǵap

«Áleýmettik máselege arnalǵan úzdik materıal» nomınatsııasy boıynsha – «Prıkaspııskaıa kommýna» qoǵamdyq-saıası gazetiniń aǵa tilshisi Anjela Lı

«Aımaq týraly úzdik materıal» nomınatsııasy boıynsha – «Habar24» telearnasynyń Aqmola oblysy boıynsha tilshisi Damır Shaıdarov

«Jastar týraly úzdik materıal» nomınatsııasy boıynsha – «Dalanews.kz» aqparat agenttiginiń Abaı oblysyndaǵy tilshisi Qýanysh Smaǵulov

«Rýhanı-mádenı damýǵa arnalǵan úzdik materıal» nomınatsııasy boıynsha – «Habar» telearnasynyń tilshisi Indıra Jylqaıdarova

«Memlekettik rámizderiniń 30 jyldyǵy týraly úzdik materıal» nomınatsııasy boıynsha – Jańaqorǵan aýdandyq «Jańaqorǵan tynysy» gazetiniń tilshisi Álibek Jaryqbaev

«Amanat» partııasynyń transformatsııasy týraly úzdik materıal» nomınatsııasy boıynsha – QR Prezıdenti Teleradıokesheniniń rejısseri Vadım Shırıaev

Arnaıy syılyqtardyń ıegerleri:

Ahmet Baıtursynuly atyndaǵy «Sóz zergeri» syılyǵy – «Egemen Qazaqstan» respýblıkalyq gazetiniń Túrkistan oblysy boıynsha tilshisi Ǵalymjan Elshibaı

Sherhan Murtaza men Kamal Smaıylov atyndaǵy «Televızııa úzdigi» syılyǵy – «Qazaqstan» ulttyq telearnasynyń aqparattyq-saraptamalyq baǵdarlamalar dırektsııasynyń basshysy Jalǵas Altaev

«Belsendi azamattyq ustanymy úshin» syılyǵy – bloger, motıvatsııalyq kitaptardyń avtory, telejúrgizýshi Dáýlet Muqaev.