«ALJIR» murajaıynda «Biz qazaq ejelden azattyq ańsaǵan» beınepanoramalyq kórmesi ótkiziledi

ASTANA. 5 jeltoqsan. QazAqparat - 12 jeltoqsanda Saıası qýǵyn-súrgin jáne totalıtarızm qurbandarynyń «ALJIR» memorıaldy-murajaı kesheninde «Biz qazaq ejelden azattyq ańsaǵan» beınepanoramalyq kórmesi uıymdastyrylady.

Іs-shara Qazaqstan Respýblıkasynyń Táýelsizdik kúnine arnalady. Bul týraly astana.kz saıtyna «ALJIR» memorıaldy-murajaı kesheninen habarlady.

Sonymen qatar, «Naǵyz jeltoqsan» qoǵamdyq qorynyń ókilderi Aqmol aýylynyń №5 orta mektep oqýshylarymen kezdesedi. Júzdesý barysynda 1986 jylǵy jeltoqsan oqıǵasynyń qaıǵyly sátteri jáne sol kúnderi qaza tapqan qatysýshylar týraly aıtylady.

Іs-shara sońynda «1986 jyl: Alash perzentteri» derekti fılmi kórsetiledi.

Kórmeni qalalyq Mádenıet, Іshki saıasat basqarmalary jáne «Naǵyz Jeltoqsan» qoǵamdyq qory uıymdastyrady.