Alyp asteroıd 29 qarashada Jerge jaqyndaıdy
13:52, 21 Qarasha 2020
NUR-SULTAN. QazAqparat – Jerge 370-ten 820 metrge deıingi 153201 (2000 WO107) asteroıd jaqyndap keledi, dep habarlaıdy QazAqparat NASA Jer mańyndaǵy nysandardy zertteý ortalyǵynyń saıtyna silteme jasap.
Asteroıd 29 qarasha kúni Nur-Sultan ýaqytymen 11:00-de Jerge eń jaqyn qashyqtyqqa keledi. Asteroıd pen Jer arasyndaǵy qashyqtyq 4 mıllıon km-den asady, bul Aıǵa deıingi qashyqtyqtan 11 ese kóp, sondyqtan ol planetamyzǵa qaýip tóndirmeıdi. Degenmen ǵalymdar asteroıdtyń qaýiptiligin joqqa shyǵarmaıdy, óıtkeni ol Jer sharynyń orbıtasynan kesip ótedi.
Spektrlik taldaý kórsetkendeı, qatty tasty deneniń quramynda nıkel, temir jáne kobalt bar. 600 myń asteroıd týraly aqparat jınaqtalǵan Asterank málimetter qorynyń baǵalaýynsha, 2000 WO107-degi paıdaly qazbalardyń quny 17,4 mıllıard dollarǵa baǵalanady.