Alýa Nurmanova jahandyq Pro Chess League birinshiliginiń chempıony atandy

ASTANA. QazAqparat – 16 jastaǵy Qazaqstan shahmatshysy Alýa Nurmanova jahandyq Pro Chess League fınalynda qazirgi álem chempıony qytaılyq Tszıýı Ventszıýndi jeńdi, dep habarlaıdy QazAqparat tilshisi.

Qazaqstan shahmat federatsııasynyń málimetinshe, ol osy arqyly Gotham Knights komandasynyń jeńisin qamtamasyz etti. Alýamen bir komandada grossmeısterler Hıkarý Nakamýra, Vladımır Fedoseev jáne Shamsıddın Vohıdov óner kórsetti.

Lıganyń negizgi kezeńinde álemniń túkpir-túkpirinen kelgen myqty oıynshylardy jınaǵan 16 komanda saıysty. Olardyń ishinde Magnýs Karlsen, Hıkarý Nakamýra, Anısh Gırı, Fabıano Karýano, Aleksandr Grışýk, Katerına Lahno jáne basqa da grossmeısterler boldy.

«Sonymen qatar, ol halyqaralyq grossmeısterler Adhıban Baskaran (Úndistan), Nıkolas Teodorý (Grekııa), Bendjamın Bokpen (Nıderlandy) teń tústi. Alýa – Qazaqstan áıelder quramasynyń múshesi. Ol – Qazaqstannyń birneshe dúrkin chempıony, oqýshylar arasynda álem chempıony, kadetter arasynda álem chempıony, kadetter arasynda Azııa chempıony», - dep atap ótedi federatsııadan.

Aıta keteıik, Pro Chess League (PCL) — 150 000 AQSh dollary kóleminde júlde qory bar shahmat lıgasy. Ol 1 aqpannan 15 mamyrǵa deıin ótti.