«Altynkól» keden beketiniń 17 qyzmetkerine úkim shyqty

ASTANA. QazAqparat - 31 qańtarda Almaty qalalyq qylmystyq ister boıynsha mamandandyrylǵan aýdanaralyq soty «Altynkól» keden beketindegi sybaılas jemqorlyqqa qatysty 17 adamǵa úkim shyǵardy, dep habarlaıdy QazAqparat QR UQK baspasóz qyzmetine silteme jasap.

Bul úkim UQK organdarynyń 2018 jyldyń aqpan aıynda júrgizgen Almaty oblystyq keden beketindegi sybaılas jemqorlyq isin áshkereleý boıynsha aýqymdy arnaıy operatsııasynyń aıaqtalýy.

Tergeý kezinde sybaılastyq júıesiniń «esepshisinen» aqshany alý jáne bólisý jónindegi «jasyryn esep-qısaby» tárkilendi. «Qara kassada» júz myń dollardan astam aqsha bolǵan. Tintý barysynda 116 myń dollar jáne 4,3 mln teńge tabyldy.

Óz kinálaryn moıyndamaǵan kúdiktiler uzaq merzimge bas bostandyqtarynan aıyryldy. Tergeý júrgizýge kómektesken qylmyskerlerge aıyppul túrindegi jazalar taǵaıyndaldy.