Altynemel ulttyq tabıǵı parkinde 250 jańa jumys orny ashylady
Onlaın sharaǵa QR Ekologııa, geologııa jáne tabıǵı resýrstar vıtse-mınıstri Erlan Nysanbaev, QR Mádenıet jáne sport vıtse-mınıstri Órken Bısaqaev, sala sarapshylary, ǵalymdar men qoǵam belsendileri qatysty.
«Osy jobany júzege asyrý arqyly 2025 jylǵa qaraı jergilikti halyq úshin 250 jańa jumys ornyn asha alamyz. Jyl saıyn keletin týrıster sany 20 myńnan 78 myń adamǵa kóbeıip, bıýdjetke túsetin qarjy 10 esege artady»,- dedi Erlan Nysanbaev tujyrymdamany tanystyrý barysynda.
Vıtse-mınıstr sonymen birge byltyr 2019-2025 jyldarǵa arnalǵan týrızm salasyn damytý boıynsha memlekettik baǵdarlama qabyldanǵanyn atap ótti.
Qazaqstan ekotýrızmdi ulttyq parkterde AQSh tájirıbesi negizinde damytpaq. ıAǵnı, munda týrıstik marshrýttar men soqpaq joldardy damytýǵa kóbirek kúsh salynady.
«Sonymen birge zamanaýı vızıt-ortalyqtar, gempıng, kempıngter, etnoaýyldar salynady. Nysandar jeńil jınalatyn konstrýktsııalar arqyly turǵyzylady. ıAǵnı park aýmaǵynda túbegeıli úlken qurylys júrmeıdi»,- dep túsindirdi E. Nysanbaev.
«Altynemel» ulttyq parkin damytý tujyrymdasy boıynsha 3 marshrýtty rettep, túzeý josparlanǵan.
«Shyǵan» baqylaý ótkizý pýnkti mańyndaǵy aýmaqta avtokólik turaǵy durystalyp, etnoaýyl salynady.
«Kelýshiler úshin kelesi toqtaıtyn jer - Myńbulaq. Týrısterdiń tamaqtanýy úshin qozǵalmaly ashana, ıaǵnı karavanıng bolady. Demalys qolaıly ótýi úshin glempıngter ornalastyrylady. Ári qaraı týrıster marshrýt boıynsha tarıhı-mádnnı nysan - Shoqan Ýálıhanov bulaǵyna bara alady. Bul jerde de jyljymaly ashana jumys isteıdi, demalyp otyratyn jerler bolady»,- dedi vıtse-mınıstr.
Budan bólek, jabaıy janýarlardy tamashalaý úshin kórý alańy salynbaq.
«Ekologııalyq týrızmdi damytý tujyrymdamasyn júzege asyrý úshin ınvestor tartylady. «Іle Alataý», «Sharyn» ulttyq parkteri mysalynda «Altynemelde» júrip jatqan jumystardy baqylap, táýelsiz baǵa beretin qoǵamdyq keńes qurylady»,– dep túıindedi Erlan Nysanbaev.