Altynemel parkindegi fototuzaqqa qar barysy túsip qaldy

NUR-SULTAN. QazAqparat - Kameraǵa qyzyqqan qar barysy Altynemel ulttyq parkinde ornatylǵan fototuzaqqa túsip qaldy, dep habarlaıdy QazAqparat Ekologııa, geologııa jáne tabıǵı resýrstar mınıstrliginiń Telegram-arnasyna silteme jasap.

Kadrlardan janýardyń kamerany baıqap, oǵan jaqyn kelip, oınap turǵan sátin kórýge bolady.

Ulttyq park qyzmetkerleriniń aıtýynsha, janýarlar kadrlarǵa kezdeısoq túsip qalyp, ádette baıqamaı ótip ketedi. Eger baıqap qalsa, ormandaǵy erekshe qubylys retinde oǵan qyzyǵýshylyq tanytady.

Aıta ketý kerek, jabaıy janýarlardyń qozǵalysyn baqylaý úshin ulttyq parkte 15 fototuzaq ornatylǵan. Qar barysy obektıvke jıi túsedi.

Aıta keteıik, buǵan deıin Altynemelde sileýsin kúshikterimen birge kameraǵa túsip qalǵanyn habarlaǵanbyz.

Vıdeodan alynǵan kadr/ t.me/EcologyofQazaqstan