Altynbek Sháken ekshen-rejısseri bolǵan túriktiń «49» fılmi úzdik atandy

ASTANA. QazAqparat – Nomad Stunts tobynyń trıýk qoıýshysy Altynbek Sháken ekshen-rejısseri bolǵan «49» fılmi 2023 jyldyń eń úzdik túrik ekshen-fılmi atandy, dep habarlaıdy QazAqparat tilshisi.

«Býrsa kınofestıvalinde Nomad Stunts tobynyń trıýk qoıýshysy Altynbek Sháken ekshen-rejısseri bolǵan «49» fılmi 2023 jyldyń eń úzdik túrik ekshen-fılmi atandy.

«49» dramasy shynaıy oqıǵalarǵa negizdelgen jáne Iraktaǵy túrik konsýldyǵyn kepilge alý oqıǵasyn baıandaıdy.

Fılm rejısseri – Hakan Inan. Basty rólderdi belgili túrik akterleri Hande Dogandemır men Ismaıl Hadjıoglý somdady», - delingen atalǵan toptyń Facebook-paraqshasynda jarııalanǵan aqparatta.

Jobaǵa Nomad Stunts kaskaderleri qatysqan. Al Altynbek Sháken barlyq ekshen kórinisterin qoıýǵa jaýapty ǵana emes, sonymen qatar ekshen-operator retinde debıýt jasaǵan.