«Altyn Juldyzdan» qazaq jýrnalısteri nege qaǵyldy?» - BAQ-qa sholý

ASTANA. 12 maýsym. QazAqparat - «QazAqparat» agenttigi respýblıkalyq basylymdarda 12 maýsym, sársenbi kúni shyqqan ózekti materıaldarǵa sholýdy usynady.

***
"Selektorlyq rejimdegi keshegi Úkimet otyrysy Premer-Mınıstr Serik Ahmetovtiń tóraǵalyǵymen ótti. Kún tártibinde eki másele qaraldy. Birinshi kezekte, «Jumyspen qamtý-2020» baǵdarlamasy talqylanyp, odan keıin parnıktik gazdar shyǵarýǵa kvota bólýdiń 2013 jylǵa arnalǵan ulttyq jospary otyrysqa qatysýshylar nazaryna usynyldy", - dep jazady "Egemen Qazaqstan" gazeti búgingi sanyndaǵy "Jumyspen qamtý júıeli júredi" degen taqyryptaǵy maqalasynda. Basylymnyń jazýynsha, Memleket basshysynyń tapsyrmasyna oraı, qazaqstandyq eńbek rynogynyń tıimdiligin ba­rynsha arttyrýdyń keshendi baǵdarlamasy - «Jumyspen qam­tý-2020» baǵdarlamasy daıyn­dalǵany belgili. Bul «jol kartasynda» álemdik ekonomıkada aýytqý paıda bolyp, el ekonomıkasy tyǵyryqqa tireler jaǵdaı týa qalsa, qıyndyqtan qysylmaı shyǵýdyń jedel sharalary qamtylǵan. Qujatta sonyń ne­giz­gi úsh joly aıqyndalyp, onymen júrip ótip, halyqtyń ál-aýqa­tyn jaqsartýdyń túrli tıimdi meha­nızmderi qarastyryldy.

Elimizdi ındýstrııalandyrý - bul Memleket basshysynyń bastamasy, el aldyndaǵy aýqymdy mindet. Údemeli ındýstrııalyq-ınnovatsııalyq damýdyń (ÚIID) besjyldyq josparyn is júzine asyrýǵa barlyq memlekettik organdar, holdıngter, ulttyq kompanııalar, damý ınstıtýttary, bıznes-assotsıatsııalary jáne ónerkásip kásiporyndary tegis jumyldyrylǵan. ÚIID uzaq merzimge arnalǵan baǵdarlama bolyp sanalady. Onyń naqty nátıjelerin 2020 jylǵa taman kórýge bolady. Bul kezeńde ekonomıkamyzdyń basym baǵyttaryndaǵy baǵdarlama sheńberindegi iri jobalar iske qosylady. Prezıdenttik ındýstrııalandyrý baǵdarlamasyn is júzine asyrýdyń barysy týraly "Egemen Qazaqstan" gazeti Premer-Mınıstrdiń orynbasary - Indýstrııa jáne jańa tehnologııalar mınıstri Áset Isekeshevti áńgimege tartqan. Suhbat "Áset Isekeshev: Indýstrııalandyrý ıgiligin molynan kóretin bolamyz" degen taqyryppen berilgen.

***

Almatyda Qazaqstan Jýrnalıster akademııasynyń «Altyn Juldyz» syılyǵynyń laýreattaryn marapattaý rásimi ótti. Osy jaıt arqaý bolǵan maqala "Aıqyn" gazetinde " «Altyn Juldyzdan» qazaq jýrnalısteri nege qaǵyldy?" degen taqyryppen berilgen. "Aldymen mártebeli jalpyult­tyq jýrnalıstik syılyqtan bıyl qazaqtildi basylymdar men qazaq­tildi jýrnalıster túgeldeı qaǵyl­ǵanyn aıta ketelik. Elimizdegi BAQ redaktsııalyq ujymǵa beriletin «Altyn Juldyz» bıyl Shyǵys Qazaq­stan oblysynan orys tilinde shy­ǵatyn «Kendi Altaı» aı­maqtyq gazetine buıyrǵanyn aıt­qan Qa­zaqstan Jýrnalıster aka­demııa­synyń prezıdenti Saǵymbaı Qo­zybaev, atalmysh syılyqty re­­daktsııaǵa Akademııanyń kóshpeli delegatsııasy oblys ákimi Berdibek Saparbaevtyń qatysýymen saltanatty túrde tabystaǵanyn jetkizdi", - dep jazady basylym.

Osy basylymnyń jazýynsha, jýrnalıst Evgenıı Rahymjanov «Feısbýktegi» óziniń paraǵynda Qazaqstan halqy bir kúndi belgilep, tek qana qazaq tilinde qarym-qatynas jasasa, degen usynysyn jazypty. Qazaqstan kúntizbeginde «Qazaq tili kúni» bolyp 22 qyrkúıek belgilengen. Rahymjanovtyń aıtýynsha, bul kúni oǵan sonshalyqty mán berilip, tıisti deńgeıde atap ótilmeıdi. «Biz, jýrnalıster, bas­qa­lardan qaıyr kútpeı, qazaq tilin qol­­­da­nýǵa qatysty sharalardy ózimiz uıym­dastyrýymyz kerek. Áleýmettik jeliler arqyly onlaın rejiminde bul taqyrypty keńinen talqylaýǵa bolady. Men usynyp otyrǵan máseleni ózimniń «Feısbýgime» salamyn. Bireýler muny maquldar, bireý­­le­ri qarsy bolar, al endi bireýleri óziniń pi­kirin usynatyn shyǵar. Osylardyń jıyn­ty­ǵynan qazaq tiliniń alǵashqy baǵdar­la­masy týady. Men ózim qazaqsha az sóıleı­­min, biraq qazir tal­pynyp júrmin. Tipti jy­­lyna bir kún shamamyzdyń kelgeninshe qysyl­maı, uıal­maı, dúkenderde, avtobýstar­­da bir-birimizben qazaqsha sóılessek, qa­zaqsha suraqtar qoıyp, jaýap bersek, du­rys bo­lar edi. Odan ári bir kúnnen eki-úsh kúnge, ýaqyt óte bir aı qazaqsha sóılesýge bola­­dy», - deıdi E.Rahymjanov.

***

"Keshe Qazaqstan Pre­zı­denti Nursultan Nazarbaev Býrabaıda «Syrtqy saýda banki» AAQ prezıdenti - bas­qarma tóraǵasy Andreı Kos­tınmen kezdesý ótkizdi", - dep jazady "Kazahstanskaıa pravda" gazeti. Kezdesý barysynda Qazaq­stan­daǵy enshiles bank qyzmetiniń negizgi baǵyttary, sondaı-aq, «Syrtqy saýda bankiniń» eli­miz ekonomıkasyn damytý já­ne ártaraptandyrý úderisine qaty­sýynyń jaı-kúıi talqylandy. Nursultan Nazarbaev «Syrt­qy saýda banki» tek Reseı­de ǵana emes, sonymen birge, Eýropadaǵy iri bankterdiń biri bolyp tabylatynyn, Qazaqstannyń jeke men­shik já­ne korporatıvtik sek­toryn kre­dıt­teýge belsene qaty­satynyn atap ótti.