Altyn zergerlik buıymdary joǵalǵannan keıin Brıtan murajaıynyń qyzmetkeri jumystan shyǵaryldy
Joǵalǵan zattardyń arasynda altyn jáne jartylaı asyl tastardan jasalǵan buıymdar bar.
Murajaı qyzmetkerleriniń aıtýynsha, bizdiń dáýirimizge deıingi XV ǵasyrdan bizdiń dáýirimizdiń XIX ǵasyryna deıingi kezeńge jatatyn eksponattar biraz ýaqyttan beri kórmege qoıylmaǵan. Olardyń birazy kóbinese ǵylymı jumystar júrgizý úshin murajaı qoımasynda bolǵan.
Brıtan murajaıynyń dırektory Hartvıg Fısher joǵalǵan zattardy tabýǵa bar kúsh-jigerin salatynyn aıtty. Onyń aıtýynsha, murajaı qoımadaǵy eksponattardyń saqtalýyna muqııat qaraıdy, bul buryn-sońdy bolmaǵan ádetten tys oqıǵa.
Murajaıda qaýipsizdik sharalary kúsheıtildi. Qyzmetkerler men sarapshylar joǵalǵan, búlingen jáne urlanǵan zattar týraly esep berýge kiristi. Jumystan shyǵarylǵan qyzmetkerge qatysty zańdy shara qoldanylady.
Polıtsııa tergeý júrgizip jatyr.
Londondaǵy Brıtan murajaıy - Ulybrıtanııadaǵy bas tarıhı-arheologııalyq murajaı.