«Altyn Úki-2016»: qazaqstandyq mergender absolıýtti jeńimpaz atandy (FOTO)
Qytaı, AQSh, Reseı, Belarýs, Ulybrıtanııa jáne Pákistan elderiniń úzdik mergenderimen ótken laıyqty jarysta jeńiske jetken Qazaqstannyń kúshtik vedomstvolary, bizdiń áskerı qyzmetshiler kezekti ret óz isteriniń kásibı sheberi ekenin dáleldedi.
Mergendik juptar arasyndaǵy jalpykomandalyq synaqta Qazaqstan Qarýly kúshterine qarasty 20030 áskerı bóliminiń áskerı qyzmetshileri úzdik ekenderin kórsetse, al ekinshi jáne úshinshi oryndy 22750 áskerı bóliminiń mergenderi ıelendi. Budan keıingi oryndar - 35950, 32356 áskerı bóliminiń komandalaryna jáne QR Memlekettik kúzet qyzmetiniń komandalaryna buıyrdy. Segizinshi oryn - Belarýs Respýblıkasynyń, al toǵyzynshy jáne onynshy oryndar Qytaı Halyq Respýblıkasynyń komandalaryna buıyrdy. Budan keıingi oryndardy AQSh, Reseı Federatsııasy, Pákistan men Ulybrıtanııa elderi aldy.
Qazaqstannyń kúshtik vedomstvolary arasynda birinshi oryn QR QK 20030 áskerı bóliminiń komandasyna tıesili boldy, al ekinshi oryn QR Memlekettik kúzet qyzmetine buıyrdy, úshinshi oryndy QR ІІM Ulttyq ulany ıelendi. Mergender ózderiniń kásibı is-qımylynda qoldanatyn tájirıbelerimen, mashyqtarymen, jańa amal-aılalarymen jáne praktıkalyq is-qımyldarymen bólisti.
Esterińizge sala ketsek, «Altyn Úki-2016» IV halyqaralyq mergendik juptar saıysy 2016 jylǵy maýsymnyń 20-sy men 24-i aralyǵynda ótti. Jarys barysyn Úndistan men Túrkııa ókilderiniń baqylaýshylary qadaǵalady. Bul jarysqa 21 komanda qatysty. Bir apta boıy «Altyn Úki-2016» saıysyna qatysýshylar túrli kúrdeli 14 jattyǵýdan quralǵan 5 kezeńnen ótti. Mergenderge dene tózimdiligi men psıhologııalyq beriktikti synaıtyn jattyǵýlar berildi.