«Altyn tobylǵy» jas ádebıetshiler baıqaýyna ótinimder qabyldaý bastaldy
«Búgin biz Qazaqstan Respýblıkasy Tuńǵysh Prezıdenti - Ult Kóshbasshysy Qorynyń ádebıet salasyndaǵy «Altyn tobylǵy» syılyǵyna baıqaýdyń bastalǵany týraly qýanyshpen habarlap otyrmyz. Respýblıkalyq mańyzy bar bul ádebı syılyq jas ádebıetshilerimizdi biriktirip, olarǵa qoldaýǵa arnalǵan. Ózderińiz biletindeı, otandyq ádebıetshilerdiń týyndylary qazaqstandyqtardyń maqtanyshyna aınalýy tıis, Prezıdentimizdiń dál osy sózderi bul kólemdi ádebı syılyqty uıymdastyrýdyń negizine aınaldy. Jalpy alǵanda, osyndaı sharalar otandyq ádebıetke degen súıispenshilikke tárbıelep, onyń tarıhy, rýhanı bastaýlaryna kóz júgirtýge jáne kitap oqýǵa degen súıispenshiliktiń damýyna septigin tıgizedi», - dep habarlady S.Nurahanov.
Sondaı-aq ol baıqaý tórt atalym: «Poezııa», «Proza», «Balalar ádebıeti» jáne «Dramatýrgııa» boıynsha ótetinin, oǵan qosa bıylǵy jyly «Máńgilik El» arnaıy atalymynyń qosylǵanyn atap ótti. «Baıqaýǵa 18 ben 35 jas aralyǵyndaǵy jas avtorlar jiberiledi. Ár atalymdaǵy jeńimpaz Tuńǵysh Prezıdent Qorynyń 1 mln teńge kóleminde jáne «Máńgilik El» atalymynda 1,5 mln. teńge kólemindegi aqshalaı syılyqtardy alady. Qatysýshylardyń jumystaryn bilikti qazylar alqasy jabyq rejimde baǵalaıdy, sol arqyly tańdaýdyń obektıvtiligi tolyq qamtamasyz etiledi», - dep túıindedi S.Nurahanov.