«Altyn tobylǵy» ádebı baıqaýynyń jeńimpazdary belgili boldy

NUR-SULTAN. QazAqparat - «Altyn tobylǵy» respýblıkalyq ádebı baıqaýynyń jeńimpazdary anyqtaldy, dep habarlaıdy QazAqparat.

Elimizde ádebı salada qabiletin kórsetken shyǵarmashylyq daryndy jastar az emes.

Buǵan «Altyn tobylǵy» respýblıkalyq baıqaýynyń qorytyndysy dálel. Bıyl jetinshi ret ótkizilgen saıysqa jas aqyndar men jazýshylardyń 156 shyǵarmasy usynyldy.

Bul zamanaýı konkýrs qazaqstandyq ádebıetti damytýǵa, jas qalamgerlerdi qoldaý men shyǵarmashylyǵyn nasıhattaýǵa baǵyttalǵan.

Qatysýshylar bes nomınatsııanyń biriniń jeńimpazy atanýǵa baryn saldy.

«Altyn tobylǵy» baıqaýy jyl saıyn elimizdiń barlyq óńirinen daryndy ádebıetshilerdi anyqtaıdy. Bul shyǵarmashylyq jastarǵa qajetti eń suranysqa ıe jobanyń biri. Qatysýshylar eńbeginde halyqtyń qundylyǵyn, tarıhyn, mádenıetin, adamgershilik qasıetin, táýelsizdik kezindegi qazaqstandyqtardyń jetistigin, egemen Qazaqstannyń damýyndaǵy Tuńǵysh Prezıdenttiń rólin kórsetti. Baıqaýǵa qatysyp, qyzyqty dúnıeler kórsetkeni úshin árbir avtorǵa alǵys aıtamyz. Sizderdiń eńbegińiz zamanaýı ádebıetti oqýǵa, rýhanı qundylyqtardy nyǵaıtýǵa degen qyzyǵýshylyqtyń artýyna yqpal etedi», - dep erekshe atap ótti Nursultan Nazarbaev qory atqarýshy dırektorynyń orynbasary Álkeı Marǵulanuly.

Baıqaý jeńimpazdary:

- «Jyldyń úzdik prozasy» nomınatsııasy Jámıla Abdýllaeva («Uıat, qyzym!» romany);

- «Jyldyń úzdik poezııasy» - Dúısenáli Álimaqyn («Kúzgi keshte gúl esiner»);

- «Jyldyń úzdik dramatýrgııasy» - Álisher Aıtýar («Illıýzııa»);

- «Jyldyń balalarǵa arnalǵan úzdik shyǵarmasy» - Jadyra Baıbulanova («Áshekeı»);

- «Qazaqstan Táýelsizdiginiń 30 jyldyǵyna arnalǵan úzdik týyndy» - Shapaǵat Ábdiruly.

«Qazaqstan Táýelsizdiginiń 30 jyldyǵyna arnalǵan úzdik týyndy» nomınatsııa ıesi 3 mln. teńge, al qalǵan jeńimpazdarǵa 2 mln teńge tabys etildi.