«Altyn Orda» bazarynyń joly qashan ashylady
17:20, 23 Sáýir 2020
NUR-SULTAN. QazAqparat - Almaty oblysynyń Qarasaı aýdany aýmaǵyna ornalasqan «Altyn Orda» ámbebap bazarynyń tas joly jyl sońyna deıin tolyq paıdalanýǵa beriledi. Bul týraly Ortalyq kommýnıkatsııalar qyzmetindegi brıfıngide QR IIDM Avtomobıl joldary komıtetiniń tóraǵasy Saıranbek Barmaqov aıtty, dep habarlaıdy QazAqparat tilshisi.
«Karantın kezinde Raıymbek-Almaty ýchaskesiniń qozǵalys bóligin keńeıtýge baılanysty kúrdeli jóndeý jumystaryna 117 adam men 61 tehnıka jumyldyrylǵan. Ýchaskede kommýnıkatsııalardy tasymaldaý jumystary uıymdastyryldy. Jol-qurylys materıaldary daıyndaldy. Jyl sońyna deıin joldyń tolyq boıynda qozǵalys ashylyp, jaıaý júrginshilerge arnalǵan jer ústi ótpelderi men jasandy qurylymdardyń qurylysy aıaqtalady dep josparlanǵan», - dedi Saıranbek Barmaqov.