«Altyn orda» bazarynyń aýmaǵyndaǵy beınekamera sany 300-ge jetedi

ALMATY. QazAqparat- Búginde bazar aýmaǵynda 13 kúzet beketi jumys isteıdi, oǵan qosa 80-ge jýyq kamera ornatylǵan. Jaqyn arada olardyń sany 300-ge jetedi. Bul týraly «Altyn orda» bazarynyń ákimshiligi málim etti, dep habarlaıdy QazAqparat tilshisi.

Osy jyldyń 5 shildesinde «Big City Market» JShS «Altyn Orda» bazaryn basqarýshy kompanııa retinde óz jumysyn bastady.

Atalǵan kompanııa dırektory Danııar Duzbaevtyń sózinshe, qazir «Altyn orda» bazary ádettegideı tártippen jumys istep tur.

Bazar baqylaýshylary men basqa da jumyskerlerdi jumystan sebepsiz bosatý bolmaıdy.

«Búginde burynnan istep júrgen qyzmetkerlerdiń 80 paıyzy jańa kompanııamen eńbek kelisimshartyna otyrdy. Sondaı-aq bazardy kúzetý qyzmeti qolǵa alyndy. Qazir bazar aýmaǵynda 13 kúzet beketi jumys isteıdi, oǵan qosa 80-ge jýyq kamera ornatyldy. Jaqyn arada olardyń sanyn 300-ge jetkizý josparda bar»,- dedi ol.

Bazar ákimshiliginiń málimetinshe, kásipkerlerge bar jaǵdaı jasalady.

Saýda ornyn jalǵa berý baǵasy óspeıdi, baqylaýshylar tarapynan zańsyz ústemeaqy talap etý sııaqty áreketter joıyldy.

Sonymen qatar, №2 pavılonǵa kondıtsıoner ornatý, ınternetti jaqsartý shilde aıynyń sońyna deıin tolyq sheshiledi.

«Altyn orda» bazaryn modernızatsııalaý aıasynda kólikterdiń kirip-shyǵýyna arnalǵan avtomatty túrde ashylatyn shlagbaým ornatylyp, kólik turaǵy rettelmek.

Buǵan deıin polıtsııa «Altyn orda» bazaryn basyp alý týraly aqparatqa pikir bildirgen edi.

Sondaı-aq «Altyn orda» bazarynyń jumysyna qatysty Saýda jáne ıntergratsııa mınıstrliginiń call-ortalyǵy men telegram-chatyna 200-den astam aryz-shaǵym túsken bolatyn.