Altyn Orda bazary janyndaǵy jol jóndeý jumystarynyń 85 paıyzy aıaqtaldy

ALMATY. QazAqparat – «QazAvtoJol» ulttyq kompanııasy «Altyn orda» bazary mańyndaǵy Almaty-Bishkek ýchaskesinde joldy keńeıtý boıynsha kúrdeli jóndeý jumysy aıaqtalýǵa jaqyn ekenin málim etti. Búgingi tańda barlyq jumystyń 85 paıyzy oryndaldy, dep habarlaıdy QazAqparat tilshisi.

Ulttyq kompanııanyń málimetinshe, qazir asfalt tóseýge daıyndyq jumystary júrgizilýde. 127 myń sharshy metr aýmaqta qalyńdyǵy 5 sm bolatyn qıyrshyqtas-mastıka asfaltbeton jabyny tóseledi. Qurylys jumystaryna 120 jol jumysshysy men 40 tehnıka jumyldyryldy.

«Jalpy, osy tórt shaqyrym ýchaskede merdigerlerge jol aıryqtary men shyǵý joldaryn jabdyqtap, «Nıý-Djersı» temirbeton jáne tosqaýyl qorshaýlaryn ornatý jumystaryn aıaqtaý qajet. Sondaı-aq jolǵa beınekamera ornatylady. Kelisimshart talaptaryna sáıkes qurylys jumystaryn aıaqtaý merzimi 2022 jyldyń qarasha aıyna belgilengen. Búgingi kúni joldy jóndeý jumystarynyń 85 paıyzy aıaqtaldy», - dedi «QazAvtoJol» UK» AQ baspasóz hatshysy Lázzat Stamǵazıeva.

Buǵan deıin «Altyn Orda» bazary janyndaǵy jol jóndeý jumystary jyl sońyna deıin aıaqtalatyny týraly jazǵan bolatynbyz .

Eske salaıyq, «Altyn Orda» bazarynyń janyndaǵy estakada byltyr jeltoqsan aıynda ashylǵan edi.