«Altyn Orda» bazary aýdanyndaǵy avtojol ýchaskesin rekonstrýktsııalaý qazanda aıaqtalady

NUR-SULTAN. QazAqparat – Almaty qalasyndaǵy «Altyn Orda» bazary aýdanyndaǵy avtojol ýchaskesin rekonstrýktsııalaý qazanda aıaqtalady. Bul týraly QR Indýstrııa jáne ınfraqurylymdyq damý vıtse-mınıstri Berik Kamalıev aıtty, dep habarlaıdy QazAqparat tilshisi.

«Almaty qalasyndaǵy «Altyn Orda» bazary aýdanyndaǵy avtojol ýchaskesi alyp megapolıstiń barlyq turǵyndaryn tolǵandyrady. Respýblıka Premer-Mınıstriniń tapsyrmasyna sáıkes, qazan aıynda osy kólik jol aıyryǵyndaǵy jumystar tolyǵymen aıaqtalady», - dedi Berik Kamalıev Ortalyq kommýnıkatsııalar qyzmetindegi baspasóz máslıhaty barysynda.

Mınıstrlik málimetinshe, búgingi tańda atalǵan ýchaskede barlyq negizgi jumys aıaqtalǵan. Tranzıttik kóliktiń ótýi úshin estakadanyń qurylysy jedel qarqynmen júrgizilip jatyr.