«Altyn dop» ıegeri Karım Benzema «Real Madrıd» klýbynan ketedi

ASTANA. QazAqparat - Ispanııalyq «Real Madrıd» klýbynyń shabýylshysy Karım Benzema maýsym sońynda komandadan ketedi. Endi frantsııalyq fýtbolshy Saýd Arabııasynyń «Al-Ittıhad» komandasynda oıyn kórsetedi. Buqaralyq aqparat quraldarynyń aıtýynsha, oǵan jylyna 100 mln evro eńbekaqy usynylǵan, dep habarlaıdy QazAqparat Euronews-ke silteme jasap.

«Real Madrıd» shabýylshysy bıylǵy maýsym sońynda atalǵan klýbtan ketedi. Bul jóninde komandanyń baspasóz qyzmeti málim etti.

Fýtboldaǵy joǵary júldeniń biri - «Altyn dop» ıegeri jáne bes dúrkin Chempıondar lıgasynyń jeńimpazy Saýd Arabııasynda kem degende eki jyldaı «Al-Ittıhad» klýbynda oıyn kórsetedi. Sporttyq BAQ derekkózge silteme jasaı otyryp, Taıaý Shyǵysta frantsýz fýtbolshysyna jylyna 100 mln evro eńbekaqy usynylǵanyn jetkizdi.

Karım Benzema «Real Madrıd» klýbynda 2009 jyldan beri úzilissiz 14 maýsym oıyn kórsetti.

Qazir Saýd Arabııasynyń «An-Nasr» klýby namysyn portýgalııalyq forvard Krıshtıaný Ronaldý qorǵap júr.

Jýrnalıster sol memlekettiń Er-Rııad qalasy atynan synǵa túsip júrgen «Al-Hılıal» klýbyna argentınalyq Lıonel Messı aýysýy múmkin ekenin atap ótti. Ol ótken aptada Frantsııanyń «Parı Sen-Jermen» klýbymen qosh aıtysty.