«Altyn dombyra» aıtysy ulttyq arnadan kórsetiledi

NUR-SULTAN. QazAqparat - «Tuǵyry bıik Táýelsizdik!» taqyrybymen Oral qalasynda ótken VIII «Altyn dombyra» respýblıkalyq aqyndar aıtysy búgin efırge shyǵady, dep habarlaıdy QazAqparat «Qazaqstan» ulttyq telearnasynyń baspasóz qyzmetine silteme jasap.

Jyr dodasyn «Qazaqstan» arnasy kórsetedi.

«Alaman aıtysqa Aıbek Qalıev, Rústem Qaıyrtaıuly, Muhtar Nııazov, Aspanbek Shuǵataev, Jansaıa Mýsına, Dıdar Qamıev, Ásem Erejeqyzy, Shalqarbaı Іzbasarov, Qaziret Berdihan, Ómirjan Kópbosynuly, Arýna Kerimbek, Jandarbek Bulǵaqov, Bekzat Asqarov, Talǵat Myqı, Serik Qusanbaev, Shuǵaıyp Sezimhan, Juldyzaı Maratbekova, Birjan Baıtýov, Qanat Myrzahan, Baýyrjan Shırmedınuly syndy elimizge tanymal 20 aqyn qatysyp, baq synady», - delingen baspasóz habarlamasynda.

Kórermen ulttyq arna efırinen 3-4 qańtar kúnderi saǵat 15:00-de 1-2 aınalymdy jáne 5-qańtar kúni saǵat 14:00-de fınaldyq básekeni tamashalaı alady.