«Altyn adam» álemniń 26 elinde kórsetildi

NUR-SULTAN. QazAqparat - QR Mádenıet jáne sport mınıstri Aqtoty Raıymqulova elimizdiń mýzeı isi mamandaryn Halyqaralyq mýzeı merekesimen quttyqtady, dep habarlaıdy QazAqparat tilshisi.

«18 mamyr – búkilálemdik qaýymdastyq úshin erekshe kún. Bul kúni Halyqaralyq mýzeı merekesi atap ótiledi. Mýzeıler mádenı, tarıhı jáne kórkem murany saqtaıdy. Mýzeıler árbir adam balasy úshin demalys jáne ózin-ózi jetildirý orny. Mýzeılersiz qoǵamnyń ıntellektýaldyq, mádenı, bilim berý deńgeıin kóterý múmkin emes. ıAǵnı, mýzeıler óz eliniń jáne álemdik órkenıettiń mádenı jáne rýhanı murasyn súıýge jáne túsinýge úıretedi», - dedi mınıstr.

Onyń atap ótýinshe, halyqaralyq kórmelik jobalar qazaqstandyq kórermenderge sheteldik mýzeılerdiń túrli mańyzdy kórmelerimen tanysýǵa múmkindik berdi. Atap aıtqanda, Memlekettik Ermıtaj, Tretıakov galereıasy, Frantsııanyń Ulttyq mýzeıleriniń birlestigi – Grand Pale, Londonnyń Vıktorııa jáne Albert mýzeıi, Shensı provıntsııasynyń tarıhı mýzeıi (Sııan q.), Islam mádenıeti mýzeıi (Kaır q., Egıpet), iske asyrǵan halyqaralyq jobalar aıasynda túrli kórkem jáne shyǵarmashylyq sharalar usynyldy.

Mýzeıler sonymen qatar Qazaqstannyń mádenıetin shetelge tanystyryp keledi. «Rýhanı jańǵyrý» baǵdarlamasy aıasynda ótkizilip kele jatqan eń jarqyn jobalardyń biri - «Altyn adamnyń álem mýzeılerine sherýi» sonyń aıǵaǵy. Úsh jyl ishinde «Altyn adam» álemniń 26 eliniń ulttyq mýzeılerinde kórsetildi.

«Koronovırýs pandemııasyna baılanysty mýzeılerdiń onlaın rejımde usynǵan belsendi jumysyn da erekshe atap ótý kerek. Osy kúnderi mýzeıler kelýshiler úshin vırtýaldy keńistikte qoljetimdi boldy. Sonyń arqasynda bıyl Nur-Sultan qalasyndaǵy QR Ulttyq mýzeıi men Almaty qalasyndaǵy QR Ortalyq memlekettik mýzeıi TMD elderi ishinde vırtýaldy mýzeılerdiń úzdik bestigine endi. Sonymen qatar, bıyl Qazaqstannyń mýzeı isindegi teńdessiz flagmandardyń biri – Á.Qasteev atyndaǵy memlekettik óner mýzeıiniń ujymy 85 jyldyq mereıtoıyn atap ótedi. Osy oraıda barlyq mýzeılerdiń kásibı jáne shyǵarmashylyq belsendi komandasyna erekshe alǵys aıtamyn jáne jumystaryna tabys tileımin. Otandyq mýzeı ujymdary men ónersúıer qaýymdy halyqaralyq mýzeı kúnimen quttyqtaı otyryp, barlyǵyńyzdy osy merekeni birge tamashalaýǵa shaqyramyn», - dedi Aqtoty Raıymqulova.