Alty jylda 9 depýtat pen 23 sýdıa zań buzǵan

NUR-SULTAN. QazAqparat – Sońǵy 7 jyl ishinde 9 depýtat jáne 23 sýdıa quqyqbuzýshylyq áreketter jasaǵan, dep habarlaıdy QazAqparat Ranking.kz resýrsyna silteme jasap.

Ranking.kz dereginshe, 2015-2021 jyldar aralyǵynda Іshki ister mınıstrliginiń laýazymdy tulǵalary quqyqbuzýshylyq áreketterin jıi jasaǵan. Olarǵa qatysty jylyna orta eseppen 516 qylmystyq is qozǵalady. ıAǵnı, aptasyna bul vedomstvanyń 10-ǵa jýyq qyzmetkeri zań buzady.

2015 jyldan bastap ІІM-niń qyzmetkerleri jasaǵan eń jıi quqyq buzýshylyqtar - para alý (26%), alaıaqtyq (16%) jáne óz ókilettiligin asyra paıdalaný (8%).

Al, 2015-2021 jyldar aralyǵynda laýazymdyq quqyq buzýshylyq jasaǵan 23 sýdıaǵa qatysty is qozǵalypty.

Osy aralyqta parlamenttiń qos palatasynyń depýtattary 9 ret quqyq buzǵan.

Zańǵa qarama-qaıshy áreketter týraly eń az faktiler Sybaılas jemqorlyqqa qarsy is-qımyl agenttiniń laýazymdy tulǵalary arasynda tirkelipti. Antıkordyń ókilettti tulǵalary sońǵy bes jylda 5 quqyqbuzýshylyq jasaǵan. Olardyń ishinde senip tapsyrylǵan ózgeniń múligin zańsyz ıemdený boıynsha 2, jol erejesin buzǵan 1 jáne ózge de zańsyzdyq faktileri anyqtalǵan.