Alty balanyń anasy «Reseı arýy-2015» atandy

ASTANA. QazAqparat - «Reseı arýy-2015» sulýlyq baıqaýynyń aqtyq synynda peterborlyq Ekaterına Kırmel jeńiske jetti, dep habarlaıdy Rosbalt.

«Facebook jelisindegi baıqaýdyń resmı paraqshasynda habarlanǵandaı, oǵan turmystaǵy, eń keminde bir balasy bar áıel analar qatystyrylǵan. Qorytyndysynda 22 jastan 37 jasqa deıingi 15 qatysýshy irikteýden ótken», delingen habarlamada. Baıqaý jeńimpazy Ekaterına Kırmel 37 jasta, alty balanyń anasy. Onyń eki joǵary bilim bar, bımen, bodıbıldıngpen jáne jeńil atletıkamen aınalysady. Eń úlken ulynyń jasy 17-de, eń kishi uly - 12 jasta. Al eń úlken qyzy 10 jasta, kishi qyzy - 4 jasar ǵana. Aıta keteıik, «Reseı arýy» baıqaýy 1998 jyldan beri ótkizilip kele jatqanymen, tek sońǵy eki jyl ishinde ǵana tanymal bolyp keledi.