Altynbek Ahmetov Astana qalasy sáýlet basqarmasynyń basshysy laýazymyna taǵaıyndaldy

<p>Astana qalasynyń Sáýlet, qala qurylysy jáne jer qatynastary basqarmasynyń basshysy taǵaıyndaldy, dep habarlaıdy Kazinform Astana qalasy ákimdiginiń <a href="https://www.gov.kz/memleket/entities/astana-saulet/press/news/details/648315?lang=kk" target="_blank" rel="noopener">resmı saıtyna</a> silteme jasap.</p>

Astana qalasy ákiminiń birinshi orynbasary Nurlan Nurkenov ujymǵa Sáýlet, qala qurylysy jáne jer qatynastary basqarmasynyń jańa basshysyn tanystyrdy. Ol atalmysh basqarma basshysynyń orynbasary qyzmetin atqarǵan Altynbek Ahmetov boldy.

Altynbek Janatuly 2006 jyly Sáken Seıfýllın atyndaǵy Qazaq memlekettik agrotehnıkalyq ýnıversıtetin «Qalalyq kadastr» mamandyǵy boıynsha, Toraıǵyrov ýnıversıtetin 2023 jyly «Sáýlet» mamandyǵy boıynsha bitirgen.

Eńbek jolyn 2005 jyly «Astanagorarhıtektýra» JShS topogeodezııa bóliminiń tehnık-geodezısti qyzmetinen bastady.

2006 jyly «AstanagorNPTszem» EMK tehnıgi boldy;

2007-2013 jyldar aralyǵynda «Astana qalasy jer qatynastary basqarmasy» Jer kadastry bóliminiń bas mamany, basshysy qyzmetterin atqardy.

2013-2015 jyldar aralyǵynda «Astana qalasy jer qatynastary basqarmasy» basshysynyń orynbasary boldy.

2016-2019 jyldary «Almaty qalasy jer qatynastary basqarmasynyń» basshysy laýazymyn atqardy.

2023 jylǵy mamyrdan bastap qazirgi ýaqytqa deıin – Astana qalasynyń Sáýlet, qala qurylysy jáne jer qatynastary basqarmasy basshysynyń orynbasary.

Nurlan Jańbyrshyuly jańa basshyǵa sáttilik tilep, elordanyń sáýlet salasyn damytýǵa qatysty birqatar naqty tapsyrmalar berdi.