«Altynalmas» kompanııasy túsiniktemeni óziniń resmı paraqshasynda jarııalady. Altyn óndirý kompanııasy basylymdarda atalǵan tulǵa olardyń qyzmetkeri emes ekenin jáne bolmaǵanyn habarlady.
— Qolda bar aqparatqa sáıkes, atalǵan tulǵa «Qazaqaltyn Tehnolodjı» JShS aýmaǵynda jumys isteıtin «Salang» jekemenshik kúzet-tyńshylyq agenttigi JShS-de kúzetshi bolyp jumys istegen. Qazaqstan Respýblıkasynyń eńbek zańnamasynyń normalary, sondaı-aq jeke derekterdi qorǵaý týraly zańdarǵa sáıkes qyzmetkerlerge qatysty oqıǵalar týraly resmı aqparatty jumys berýshi óz ókilettigi sheginde usynady. Osyǵan baılanysty «Salang» JKTA JShS zań bólimi tıisti túsiniktemelerdi berdi. «Altynalmas» AQ-nyń bul oqıǵaǵa eshqandaı qatysy joq. Sonymen birge kompanııa óz quzyreti sheńberinde obektıvti jáne keshendi tergeýdi qamtamasyz etý úshin memlekettik organdarǵa qajetti kómek kórsetýge daıyn, - delingen «Altynalmas kompanııasynyń resmı málimdemesinde.
Eske sala ketsek, Aqmola oblysyndaǵy shahtadan jumysshynyń denesi tabylǵanyn habarladyq. Oqıǵa boıynsha sýıtsıd faktisimen qylmystyq is qozǵaldy.
Bul – óńirdegi shahtalarda tirkelgen sońǵy ýaqyttaǵy úshinshi qaıǵyly jaǵdaı. Buǵan deıin Aqmola oblysyndaǵy shahtada zańsyz altyn izdeýshiler opyrylyp qalǵan ken astynda qalyp, bir adam qaza taýyp, ekeýi aýrýhanaǵa jetkizilgen bolatyn.
Sondaı-aq buǵan deıin Bestóbe kentindegi kenish shahtasynda belgisiz er adamnyń máıiti tabylyp, polıtsııa onyń jeke basyn anyqtaǵan edi.