Altynalmas kenishindegi apat: sotqa deıingi tergeý bastaldy

<p>ASTANA. KAZINFORM &ndash; Jambyl oblysyndaǵy &laquo;AK Altynalmas&raquo; aktsıonerlik qoǵamynyń taý-ken baıytý keshendegi tótenshe jaǵdaıǵa qatysty sotqa deıingi tergeý amaldary júrip jatyr. Bul týraly Jambyl oblystyq Polıtsııa departamentiniń baspasóz qyzmeti habarlady.</p>

«Taý-ken jumystaryn júrgizý kezinde qaýipsizdik erejelerin buzý faktisi boıynsha sotqa deıingi tergeý bastaldy. Oqıǵa ornynda Polıtsııa men TJD qyzmetkerleri izdeý-qutqarý operatsııasyn júrgizdi. Oqıǵanyń mán-jaıy anyqtalyp jatyr», - delingen óńirlik Polıtsııa departamentiniń baspasóz qyzmeti taratqan aqparatta.

Buǵan deıin habarlaǵanymyzdaı, Jambyl oblysyndaǵy kenishte taý jynysy qulap, topyraq astynda jumysshy qalyp qoıdy.

«AK Altynalmas» aktsıonerlik qoǵamy baspasóz qyzmetiniń málimetinshe, oqıǵa ornyna jedel túrde apattan qutqarý jasaǵy kelip, izdeý-qutqarý operatsııasy júrgizildi. Taý jynystarynyń júrýi saldarynan jáne kúrdeli geografııalyq jaǵdaılarǵa baılanysy mamandarǵa oqıǵa ornyna barý qıynǵa soqqan.