«Altyn tuǵyr – 2024» syılyǵy jeńimpazdarynyń esimderi jarııalandy
Іs-sharaǵa Májilis spıkeri, «AMANAT» partııasynyń tóraǵasy Erlan Qoshanov, Prezıdent keńesshisi – Prezıdenttiń Baspasóz hatshysy Berik Ýálı, Týrızm jáne sport mınıstri Erbol Myrzabosynov jáne taǵy basqalar qatysty.
Іs-sharany ashqan Erlan Qoshanov osy jyl qazaqtyń ulttyq sport túrleri úshin aıtýly jyl bolǵanyn atap ótti. Búkil álem V Dúnıejúzilik kóshpendiler oıyndarynda otandyq sportshylarymyzdyń jeńisine kýá boldy. Prezıdent bastamasymen olardyń basym kópshiligi memlekettik nagradalarǵa usynyldy.
«Memleket basshysy Qasym-Jomart Toqaev Ulttyq sport túrlerin damytýǵa erekshe kóńil bóledi. Olar bizdiń mádenıetimiz ben mentalıtetimizdiń ajyramas bóligi. Prezıdent tapsyrmasy boıynsha elimizde ulttyq sport ortalyqtary, klýbtar, mektepter ashylýda. Onda 600 myńnan astam adam qazaqtyń dástúrli sport túrlerimen aınalysady. Búgingi «Altyn tuǵyr» syılyǵy ulttyq qazynamyzdy saqtaýǵa jáne ony elimizde, dúnıe júzinde ilgeriletýge tikeleı yqpal etedi», – dedi ol.
«AMANAT» partııasy da júıeli túrde ulttyq sportty damytýǵa barynsha qoldaý kórsetip keledi. Máselen, «AMANAT» partııasy úsh jyl qatarynan biregeı «Uly dala joryǵy» marafon-báıgesin uıymdastyrýǵa atsalysýda.
Bıyl «Altyn tuǵyr» ulttyq syılyǵy 11 nomınatsııa boıynsha úzdik sportshylarǵa berildi: kókpar, báıge, toǵyzqumalaq, asyq atý, qusbegi, dástúrli sadaq atý, joryq, aýdaryspaq, jamby atý, teńge ilý, sondaı-aq aqparattyq qoldaý kórsetkeni úshin.
«Kókpar» nomınatsııasy boıynsha sportshy Abylaıhan Nyshanbekov, jattyqtyrýshy Erkebaı Omarbek, kommentator Qambarbek Kashıgov jáne tóreshiler Aqylbek Qymyzbaev pen Ǵanı Ahmetbaev marapattaldy.
«Teńge ilý» nomınatsııasy boıynsha sportshy Rahat Kombarov pen jattyqtyrýshy Nurjan Ábilqasymov jeńimpaz atandy.
«Jamby atý» nomınatsııasy boıynsha sportshy Aqádil Pernebaı men jattyqtyrýshy Sánim Mýradova marapattaldy.
«Aýdaryspaq» nomınatsııasy boıynsha júldeler sportshy Syrym Іzbasarov pen jattyqtyrýshy Birjan Qosalıevke berildi.
«Joryq» nomınatsııasy boıynsha júldeni «Uly dala joryǵy-2024» marafonynyń kúmis júldegerleri atanǵan Almaty qalasynyń komandasy jeńip aldy.
«Dástúrli sadaq atý» nomınatsııasynda sportshylar Jánibek Kýlmırzaev pen Aıkórkem Batıhan, sondaı-aq jattyqtyrýshy Dıas Mıllat marapattaldy.
«Báıge» nomınatsııasy boıynsha júlde jattyqtyrýshy Torebek Kýrmankalıevke, jokeı Amangeldi Hamza men onyń jylqysy Jelqaraǵa berildi.
«Qusbegi» nomınatsııasy boıynsha júldelerdi sportshylar Erasyl Serikbekuly, Beksultan Seıitjan, Imanǵalı Abdýlkarımuly jáne jattyqtyrýshy Eltaı Múptekeev ıelendi.
«Toǵyzqumalaq» nomınatsııasynda sportshylar Saltanat Saparbekova, Asylhan Qojanásip jáne jattyqtyrýshy Baýyrjan Tólegenov marapattaldy.
«Asyq atý» nomınatsııasy boıynsha syılyq sportshylar Kamıla Danııarovaǵa, Nurqıssa Moljigitovke, jattyqtyrýshy Eskendir Rahmetovke berildi.
Sondaı-aq, ulttyq sport túrlerine turaqty aqparattyq qoldaý kórsetkeni úshin «Qazsport» telearnasynyń ujymy «Aqparattyq áriptes» nomınatsııasyn ıelendi.