«Altyn Orda» bazary ıeleriniń biri qamaýǵa alyndy
«Sotta QK 190-babynyń 4-bóliginiń 2) tarmaǵynda kózdelgen (alaıaqtyq, ıaǵnı asa iri mólsherde aldaý jáne senimdi teris paıdalaný arqyly bótenniń múlkin urlaý) boıynsha qylmystyq quqyq buzýshylyq jasady dep kúdiktelgen A. qatysty „qamaýda ustaý“ túrindegi bultartpaý sharasyna sanktsııa berý týraly Almaty oblysy Qarasaı aýdany PB tergeýshisiniń ótinishi qaraldy», — dep habarlady aýdandyq sottyń baspasóz qyzmeti.
Prokýror A. — nyń múlikke qarsy aýyr qylmys jasady dep kúdiktelgenin, 2019 jyldyń basynda osyndaı aýyr qylmys úshin sottalǵanyn, tergeý men sottan jasyrynyp, isti obektıvti tergeý men sotta qaraýǵa kedergi keltirýi múmkin ekenin kórsetip, ótinishti qanaǵattandyrýdy surady.
Advokattar A.-nyń buǵan deıinde jasyrynbaǵanyn jáne sot aldyndaǵy tergeý organdarynan jasyrynbaıtynyn, eshqandaı urlyq jasamaǵanyn, atalǵan jaǵdaı boıynsha azamattyq-quqyqtyq qarym-qatynas bar ekendigin kórsetip, ótinishhatty qanaǵattandyrýdan bas tartýdy surady.
«Materıaldardy zerttep, taraptardyń dálelderin tyńdap, sot QІJK-niń 136, 147 jáne 151-baptaryn basshylyqqa ala otyryp, tergeýshiniń A. — ǵa qatysty „qamaýda ustaý“ túrindegi bultartpaý sharasyn sanktsııalaý týraly ótinishin qanaǵattandyrdy. Sot qaýlysy zańdy kúshine engen joq», — dep atap ótti Qarasaı aýdandyq sotynyń baspasóz qyzmeti.