Altyn quımalarǵa ınvestıtsııa salarda neni eskerý kerek

<p>ASTANA. KAZINFORM &ndash; Ulttyq bank altyn quımalarǵa ınvestıtsııa salý kezinde qandaı artyqshylyq jáne táýekel baryn málimdedi.</p>

– Altyn quıma senimdi ınvestıtsııa quraly sanalady. Qaptamasy bútin bolsa, ekinshi deńgeıli bankter (EDB) jáne bankke jatpaıtyn aıyrbastaý pýnkteri quımalardy qaıta satyp alyp, klıentke sol kúni aqshasyn tóleıdi. Bul – altyn quımasy naryǵyndaǵy ótimdilikti saqtap turatyn basty faktor. Altynǵa ınvestıtsııa salǵan kezde, altyn baǵasy ózgerip otyratynyn, ıaǵnı ósýi de, túsýi de múmkin ekenin este ustaǵan jón. Demek, ınvestıtsııalaýdyń kez kelgen túri sııaqty, altynǵa baılanysty ınvestıtsııalarda da tolyqqandy eskerilýi qajet táýekelder bar, - delingen Ulttyq banktiń jaýabynda.

Ólshengen quımalardyń quny Londonnyń baǵaly metaldar naryǵyna qatysýshylar qaýymdastyǵy (LBMA) bir troıa ýntsııasy úshin AQSh dollarymen belgilegen altynnyń tańerteńgi fıksıngine jáne teńgeniń AQSh dollaryna resmı baǵamyna baılanysty bolady.

Ólshengen quımalardyń baǵasy kún saıyn ózgerýi múmkin. Bul rette EDB jáne bankke jatpaıtyn aıyrbastaý pýnkteri ólshengen quımalardyń baǵalaryn ózderi belgileıdi.

Ulttyq bank kún saıyn 1 gramm altynnyń baǵasyn jarııalap otyrady. Ondaǵy derekterge súıensek, sońǵy 3 aıda altyn baǵasy 4 myń teńgege jýyq ósken.

Máselen, 2024 jylǵy qazan aıynyń 17-sinde bir gram altynnyń baǵasy 42 118.73 bolǵan. Búgingi málimet boıynsha, 1 gramm altyn 46 104.20 teńge bolyp tur.

Aıta keteıik, buǵan deıin el azamattary osyǵan deıin qansha tonna altyn quımasyn satyp alǵanyn jazǵan edik.