Altyn kenishindegi qaıǵyly oqıǵa 100% «Maıqaıyńaltyn» AQ-nyń kinásinen bolǵan – Astana soty

<p>PAVLODAR. KAZINFORM - Astananyń mamandandyrylǵan aýdanaralyq ákimshilik soty ishinde &laquo;KÁAQQ RO&raquo; JShS-ne qarasty 4 qutqarýshy bar avtobýstyń oıyqqa qulaýyna kenish ıesi &ndash; &laquo;Maıqaıyńaltyn&raquo; kompanııasy kináli degen qorytyndyǵa keldi. Qaıǵyly oqıǵa jaýapty tulǵalardyń áreketsizdiginen týyndaǵan.</p>

2024 jyldyń 4 qańtarynda «Maıqaıyńaltyn» AQ-nyń jerasty kenishiniń aýmaǵynda «KÁAQQ» ishinde JShS qyzmetkerleri avtobýs tazartý keńistigine qulap ketken edi. 

Oqıǵa saldarynan eki adam qaza taýyp, qalǵan ekeýi habar-osharsyz joǵalǵan bolatyn. 

QR Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıteti tóraǵasynyń 2024 jylǵy 4 qańtardaǵy buıryǵymen Eńbek kodeksiniń 188-babynyń 3-tarmaǵyna sáıkes, eńbek qyzmetine baılanysty ólimge ákelip soqqan jazataıym oqıǵanyń sebepterin tergeý maqsatynda komıssııa quryldy.

Tergeý qorytyndysy boıynsha komıssııa toptyq jazataıym oqıǵany tergeý aktisin jasap, oǵan jumys berýshiniń 100% kinási bar ekendigin anyqtaǵan.

Biraq jazataıym oqıǵaǵa baılanysty «Maıqaıyńaltyn» AQ qatysy joq ekenin aıtyp, Astananyń mamandandyrylǵan aýdanaralyq ákimshilik sotyna talap aryz túsirgen.

«Іsti qaraý kezinde sot taý-ken massasynyń keńistikke qulaýy saldarynan toptyq jazataıym oqıǵanyń sebepterine mynalardy jatqyzdy:

1. «Maıqaıyńaltyn» AQ jaýapty tulǵalary tarapynan taý-ken jumystarynyń qaýipsiz júrgizilýine óndiristik baqylaýdy tıisinshe júzege asyrmaı, jumys óndirisin qanaǵattanarlyqsyz uıymdastyrýy. 2. Taý-ken jáne geologııalyq barlaý jumystaryn júrgizetin qaýipti óndiristik obektiler úshin ónerkásiptik qaýipsizdikti qamtamasyz etý qaǵıdalaryn buza otyryp, bloktardy pysyqtaý kezinde opyrylý protsesin tıisti deńgeıde baqylamaý.

3. Talapkerdiń ken qazbalaryn pysyqtaý kezinde qazba birlikterin (bloktaryn) jetildirýge arnalǵan jobalary bolmaǵan (ázirlenbegen).

Derekter men basqa da mán-jaılar sotta zerttelgen tergeý materıaldarymen, onyń ishinde saraptamalar men kishi komıssııalardyń qorytyndylarymen rastaldy.

Jazataıym oqıǵa jumys ýaqytynda «KÁAQQ» JShS qyzmetkerleriniń eńbek mindetterin oryndaý kezinde bolǵan.

«Maıqaıyńaltyn» AQ jaýapty tulǵalarynyń áreketterinen (áreketsizdiginen) týyndaǵan jazataıym oqıǵanyń sebepterin negizge ala otyryp, talapkerdiń 100% kinási bar dep tanyldy», - dep habarlady Astananyń mamandandyrylǵan aýdanaralyq ákimshilik soty.

Osyǵan baılanysty sot Eńbek komıteti men QR Tótenshe jaǵdaılar mınıstrliginiń Ónerkásiptik qaýipsizdik komıtetine talap qoıýdy qanaǵattandyrýdan bas tartty.

Sot Ónerkásiptik qaýipsizdik komıtetin tıisti emes tulǵa retinde tanydy. Sheshim zańdy kúshine engen joq.

Eske sala keteıik, altyn kenishindegi apattyq jaǵdaıdan keıin toqtap qalǵan shahtanyń jumysy áli kúnge doǵarylyp tur.