Altyn kenishindegi apat: qaza tapqandardy jerleý rásimine 2 mln teńgeden bólindi

<p>Maıqaıyńdaǵy altyn kenishindegi oıyqqa qulap, qaza tapqan azamattardy jerleý rásimine kásiporyn 2 mln teńgeden bóldi dep habarlaıdy <a href="Kazinform" target="_blank" rel="noopener">Kazinform</a>.</p>

«Maıqaıyńaltyn» AQ kásiporny keshe oıyqtaǵy topyraq astynan múrdeleri qazylyp alynǵan marqumdar Sarqyt Berdiqan (1999 jylǵy) jáne Tyshkevıch Oleg Leonıdovıchtiń otbasylaryna 2 mln teńgeden bóldi.

«Bul qarajat marqumdardy jerleý rásimi úshin berilip otyr. Aktsıonerlik qoǵamnyń bas dırektory Qýanysh Botın qaza bolǵandardyń otbasylaryna ótemaqy jeke tólenetinin, onyń mólsheri komıssııa sheshiminen soń belgili bolady dep habarlady», — dep jazdy vedomstvodan.

Aıta keteıik, Pavlodar qalasynan 140 shaqyrym jerde apatqa ushyraǵan avtobýs ishinde bolǵandardyń úsheýi Maıqaıyń kentinen, bireýi Ekibastuz qalasynan.

Foto: "Maıqaıyń" kenishi

Eske sala keteıik, keshe «Maıqaıyńaltyn» ken ornynda úlken oıyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn.

Keıin oqıǵa ornynan eki adamnyń denesi tabyldy.

Keshkisin tabylǵandardyń kim ekeni belgili boldy.

Oqıǵa ornynda ıisshil ıtter jumys istep jatyr. Opyrylǵan jerde áli de topyraq syrǵyp túsip jatyr, opyrylý shekarasy turaqty emes.

Baıanaýylda ken ornynda kóz jumǵan jáne iz-túzsiz ketkenderdiń otbasyna 4,5 mln teńgeden beriledi.

Foto: "Maıqaıyń" kenishi