Altyn kenishi mańyndaǵy úılerdiń máselesin prokýratýra qurǵan tergeý toby zerdelep jatyr
QR Bas prokýrory Berik Asylov Parlament Májilisindegi «AMANAT», «Aýyl», «Aq jol» jáne «Respublica» partııalarynyń Maıqaıyń kentindegi másele boıynsha joldaǵan depýtattyq saýaldaryna jaýap berdi. Bul týraly Májilis depýtaty Jarqynbek Amantaı habarlady.
Bas prokýrdyń málimdeýinshe, prokýratýra organdarynyń úılestirýimen vedomstvoaralyq jedel-tergeý toby (Polıtsııa departamenti, Sybaılas jemqorlyqqa qarsy qyzmet, Ekonomıkalyq tergep-tekserý departamenti) qurylǵan. 4 protsestik prokýror taǵaıyndaldy.
«Tergep-tekserý barysynda «Qaraǵandygıproshaht» JShS-men taý-ken-qurylys jumystary salasyndaǵy maman tartyldy (kenishtiń qulaý sebepteri týraly qorytyndy berý jəne shahtada jumys júrgizý kezindegi zań buzýshylyqtardy anyqtaý úshin). Sondaı-aq ýəkiletti memlekettik organdardyń (Memlekettik kirister departamenti, Ónerkəsiptik qaýipsizdik departamenti, «Tsentrkaznedra» RMM, Ekologııa departamenti, Sanıtarııalyq-epıdemıologııalyq baqylaý departamenti) mamandary tartyldy. Qylmystyq is boıynsha birqatar tergeý əreketteri (tintý, alý, saraptama, jaýap alý jəne t.b.) júrgizilýde, olardyń qorytyndysy boıynsha kəsiporynnyń jaýapty tulǵalarynyń, sondaı-aq ýəkiletti memlekettik organdardyń laýazymdy adamdarynyń əreketteri men əreketsizdigine quqyqtyq baǵa beriletin bolady. Tergeý jalǵasýda», - dep jazylǵan jaýapta.
Sonymen qatar osy oqıǵa boıynsha Eńbek jəne halyqty əleýmettik qorǵaý mınıstrliginiń Eńbek jəne əleýmettik qorǵaý komıteti qurǵan komıssııa jumys júrgizip jatqany aıtylǵan. Onyń quramyna «Avarııalyq-qutqarý qyzmetteri qyzmetkerleriniń jergilikti kəsiptik odaǵy» QB ókili engen. Qorytyndysy is materıaldaryna qosa tirkeletin bolady.
Óz kezeginde, Pavlodar oblysy əkimdigi janyndaǵy óńirlik jedel shtab (quramyna oblystyń quqyq qorǵaý, arnaýly jəne ózge de memlekettik organdary kiredi) Maıqaıyń kentiniń turǵyndaryna kəsiporynnyń óndirisiniń əserinen týyndaýy múmkin təýekelderdi zerdelep jatyr. Kəsiporynnyń ónerkəsiptik alańy 10 myńǵa jýyq turǵyny bar Maıqaıyń kentiniń janynda ornalasqany anyqtaldy. Sanıtarııalyq-qorǵaý aımaǵynyń shekarasy 500 metr, aýdany 17 gektardan astam, Pavlodar oblysy əkimdiginiń 12.02.2013 jylǵy №39/2 qaýlysymen aıqyndalǵan. Aımaqqa 206 jer ýchaskesi kiredi, onyń ishinde 311 adam turatyn baspana ǵımarattary ornalasqan 103 ýchaske bar.
«Prokýratýra organdary atalǵan ýchaskeler boıynsha jergilikti atqarýshy organnyń ərbir aktisiniń zańdylyǵyn zerdeleýde. Anyqtama retinde: barlyq arhıvtik materıaldar, onyń ishinde jer-kadastrlyq ister talap etildi, óıtkeni kóptegen qurylymdar jyljymaıtyn múlikti zańdastyrý boıynsha zańdastyrylǵan, ıaǵnı quqyqtary sanıtarııalyq-qorǵaý aımaǵy belgilengenge deıin aıqyndalǵan», - dep jazylǵan jaýapta.
Buǵan qosa prokýratýra 5 aqpannan bastap «Maıqaıyńaltyn» kompanııasynyń jerasty kenishindegi jumysy toqtatylǵanyn habarlap otyr. Bul izdestirý-qutqarý is-sharalaryn júrgizý jəne kenishtiń odan əri qulaý qaýpi sebebinen qabyldanǵan. Ken baıytý fabrıkasy, avtokólik tsehy, əkimshilik-turmystyq korpýs jəne basqa da qosalqy bólimsheler shtattyq rejimde jumys isteýde. 185 jumysshy jalaqysynyń 50 paıyzy saqtalýymen májbúrli demalysta.
Qylmystyq isti tergep-tekserý barysy jəne tekserý sharalary baqylaýda.
Eske sala keteıik, Maıqaıyń turǵyndary úılerimen qosa jer astyna túsip ketýden qorqyp otyr.
Maıqaıyń kenishi aýmaǵyndaǵy izdestirý jumystary qaıta jandandy. Ázirshe oıyq túbine tehnıka ózdiginen júrip baratyndaı qaýipsiz jol salynýda. Bul iske «Maıqaıyńaltyn» AQ jaýaptandy.