Qyzyl kitapqa engen aıý fototuzaqqa túsip qaldy
Bul týraly aqparat «Altyn – Emel» tabıǵı parkiniń Instagram-daǵy paraqshasynda jarııalandy.
Ulttyq parkten málim etkendeı, 2023 jyly QR Bilim jáne ǵylym mınıstrligi Zoologııa ınstıtýtynyń zoolog mamandarynyń kómegimen, WWF (Dúnıejúzilik tabıǵatty qorǵaý qory) qarajaty esebinen «Altyn-Emel» memlekettik ulttyq tabıǵı parkiniń Degeres taýynda sýdy únemdeý jáne jabaıy ań-qustardy sýmen qamtamasyz etý maqsatynda avtomatty túrde naýaǵa sý quıylyp turatyn kólemi 3 tonna ydys ornatylǵan.
«Osy sýatqa MUTP-ń ǵylymı, aqparattyq jáne monıtorıng bóliminiń qyzmetkerleriniń zertteý jumystarynyń barysynda ornatylǵan fototuzaqqa Qazaqstan Respýblıkasynyń Qyzyl kitabyna engen Tıan-Shan qońyr aıýy kelip sý ishkeni týraly beıne jazbalary túsirilgen», - delingen jazbada.