Alty óńirde qalyń tuman túsedi, jolǵa shyqpańyzdar - QazAvtoJol

<p>ASTANA. KAZINFORM &mdash; QazAvtoJol elimizdiń avtojoldaryndaǵy aýa raıy týraly málimetti jarııalady.</p>

«Qostanaı, Aqtóbe, Qyzylorda, Mańǵystaý, Aqmola oblystarynda jáne Astana qalasynda qalyń tuman túsedi. Saldarynan avtojoldarda kórinistiń shektelý qaýpi bar», — dep jazdy vedomstvodan.

Shyǵys Qazaqstan jáne Abaı oblystarynda qar aralas jańbyr jaýyp, kók taıǵaq bolady dep boljanady.

"Qurmetti respýblıkalyq mańyzy bar avtojoldardy paıdalanýshylar! Qaýipsizdik maqsatynda jol júrý erejesin qatań saqtap, uzaq jolǵa shyǵar aldynda aýa raıynyń qolaısyzdyǵyn eskerýlerińizdi suraımyz", - delingen aqparatta.