Alty oblys turǵyndary saralanǵan tarıf engizilgen soń sýdy únemdep tutyna bastaǵan

<p>ASTANA. KAZINFORM - Elimizdiń on bir óńirinde jeke tulǵalar úshin aýyz sýdy tarıfteý qaǵıdattary qaıta qaraldy, atap aıtqanda, &laquo;tutynýdyń áleýmettik normalary&raquo; engizildi.</p>

Bul týraly Ulttyq ekonomıka mınıstrliginiń Tabıǵı monopolııalardy retteý komıtetiniń baspasó qyzmeti habarlaıdy.

Jańa tarıfteý algorıtmi «neǵurlym kóp tutynsańyz, soǵurlym kóp tóleısiz» prıntsıpin qarastyrady, ıaǵnı sýdy únemdi paıdalanbaıtyn tutynýshylar úshin tarıfter joǵarylaıdy.

Qazaqstannyń alty oblysynda — Aqmola, Aqtóbe, Túrkistan oblystarynda, Ulytaý oblysynda, sondaı - aq Almaty jáne Shymkent qalalarynda «áleýmettik tutyný normalaryn» engizý nátıjesinde aı saıyn orta eseppen 1,65 mln tekshe metr sýdy únemdeýge qol jetkizildi. Jańa normalar engizilgenge deıin bul óńirlerde ortasha tutyný kólemi shamamen 21,1 mln tekshe metrdi qurady, al norma engizilgennen keıin ol 19,5 mln tekshe metrge deıin tómendedi.

Saralanǵan tarıf elde sýdy únemdeý jáne utymdy tutyný mádenıetin engizýge yqpal etedi. Qazaqstannyń alty óńirinde alynǵan nátıjeler osy tásildiń tıimdiligin rastaıdy.

Ótken jyldyń 1 jeltoqsanynan bastap Jambyl oblysynda «áleýmettik tutyný normalary» engizildi. Jańa jylda bul sharany Mańǵystaý, Shyǵys Qazaqstan, Batys Qazaqstan jáne Soltústik Qazaqstan oblystarynda engizý boıynsha jumysty jalǵastyrý josparlanýda.

Ekonomıkalyq emes tutynýshylar úshin tarıfterdi ulǵaıtýdan túsetin qosymsha qarajat sýmen jabdyqtaý jáne sý burý ınfraqurylymyn jańǵyrtýǵa jáne rekonstrýktsııalaýǵa baǵyttalatyn bolady, bul kórsetiletin qyzmetterdiń sapasyn jaqsartýǵa jáne olardyń turaqtylyǵyn arttyrýǵa múmkindik beredi.

Esterińizge sala keteıik, sýdy tutyný normasy 3 tekshe metrden asqan kezde normatıvten tys tutyný úshin tólem 20% - ǵa, 5 tekshe metrden asqan kezde tarıf 50% - ǵa, al 10 tekshe metrden asqan nemese esepteý aspaptary bolmaǵan kezde sý úshin tólem eki ese artady.

Osyǵan deıin buryn shetelden ákelinetin sý únemdeý tehnologııalary Túrkistanda shyǵarylyp jatqany týraly jazdyq.