Almatyda túrki dúnıesiniń halyqaralyq poezııa festıvali ótedi

<p>ASTANA. KAZINFORM &mdash; Almaty qalasynda 2024 jylǵy 26 qyrkúıekte túrki álemindegi jas aqyndardyń Halyqaralyq poezııa festıvali ótedi. Oǵan Túrkııa, Qazaqstan, Qyrǵyzstan, Ózbekstan, Ázerbaıjan jáne Túrikmenstannyń aqyndary qatysady. Bul týraly Halyqaralyq &laquo;Túriksoı&raquo; uıymynyń baspasóz qyzmeti málim etti.</p>

Festıvaldiń basty maqsaty – túrki áleminiń birligi men mádenıetin nyǵaıtý, jas aqyndardyń shyǵarmashylyq kókjıegin keńeıtý. Іs-shara TÚRKSOI uıymynyń, Almaty qalasy ákimdigi men «Tulǵa-Dostyq» qoǵamdyq qorynyń qoldaýymen ótedi.

Festıvaldiń ashylýy saǵat 11:00-de «Poezııa alleıasynda» (Seırikov kóshesi, 2a) ótedi. Ashylý saltanatynda TÚRKSOI Bas hatshysy Sultan Raev, Túrki memleketteri jazýshylar odaǵynyń tóraǵasy Ulyqbek Esdáýlet, Qazaqstan Jazýshylar odaǵy tóraǵasynyń orynbasary Qasymhan Begimanov, Qyrǵyzstan Jazýshylar odaǵynyń tóraǵasy Qanybek Imanalıev, Qazaqstannyń qoǵam qaıratkeri, «Parasat» jáne «Dostyq» ordenderiniń ıegeri Asyl Osman jáne basqa da zııaly zııaly qaýym ókilderi, qoǵam qaıratkerleri, jazýshylar men metsenattar sóz sóıleıdi.

Al festıvalge qatysýshy aqyndar saǵat 17:00-de «Alataý» dástúrli óner teatrynyń sahnasynda (Nurkent yqshamaýdany, 6) óner kórsetedi.

Qatysýshylar: Mýhıttın Gúmúsh (Túrkııa), Araılym Muratalıeva (Qazaqstan), Dáýren Tileýhan (Qazaqstan), Vılıam Molotov (Qazaqstan), Erqanat Keńesbekuly (Qazaqstan), Yrysgúl Izatova (Qyrǵyzstan), Akjol Doranbek ýýlý (Qyrǵyzstan), Kanatbek Taalaıbek ýýlý (Qyrǵyzstan), Shýhrat Arıf (Ózbekstan), Mansýr Jýmaev (Ózbekstan), Hýlkar Sherzodova (Ózbekstan), Intıgam ıAsharuly (Ázerbaıjan), Hoshgeldıeva Mahym (Túrikmenstan).

Sonymen qatar, festıval barysynda «Alataý serileri» ansambli, Bıbigúl Qılymhan, Áset Esjan, Erden Jaqsybek, sondaı-aq «Alataý» etno-folklorlyq ansambli syndy qazaqstandyq tanymal óner ujymdary men oryndaýshylar án shashýyn usynady.