ASTANA. KAZINFORM – 7-shi Kann teledramatýrgııalyq festıvalinde shyńjańdyq jazýshynyń romany boıynsha túsirilgen «Altaıym» atty shaǵyn telehıkaıa «Úzdik uzaq metrajdy drama» baıqaýynyń irikteý tizimine endi.
«Jenmın jıbao» basylymynyń málimetinshe, Kann teledrama festıvaliniń negizgi baıqaýynyń irikteý tizimine engen «Altaıym» fılminiń tusaýkeseri 7 sáýir kúni Kann qalasynda ótedi.
Baıqaýda atalǵan týyndy 5 basty júlde úshin álemniń basqa elderi men aımaqtarynyń 7 dramasymen básekege túsedi.
Aıta keteıik, «Altaıym» – Shyńjańdyq jazýshy Lı Jýannyń shyǵarmasy boıynsha túsirilgen 8 bólimdi shaǵyn telehıkaıa. Onyń prodıýseri Dapen, rejısseri Ten Kongkong. Basty rólderdi Ma Iılı, Chjoý Iıran, ıÝ Shı, Álimjan, Álıma, Qaırat jáne t.b. óner adamdary somdaıdy.
Fılmniń stsenarııin Ten Kongkong pen Pen Inın jazǵan.
Beısen Sultan
Sultan Beısen Ál-Farabı atyndaǵy QazUÝ-dyń jýrnalıstıka fakýltetiniń túlegi. Eńbek jolyn 2007 jyly "Jazýshy" baspasynda redaktor bolyp bastaǵan. 2008 jyly "Ara" jýrnalynda, 2010-2011 jyly Almaty oblysynyń "Taldyqorǵan keshi" gazetinde tilshi, 2012 jyly "Taldyqorǵan Seven" gazetinde tilshi bolyp jumys istegen. 2013 jyly sáýir aıynan bastap "QazAqparat" HAA-nde Tóte jazý redaktsııasynda shyǵarýshy redaktor bolyp jumysqa ornalasqan