Altaıdaǵy balalar lagerinde 69 adam ýlanyp qaldy

ASTANA. QazAqparat – Altaıdaǵy «Gornyı Orlenok» balalar lagerinde 69 adam ýlanyp qaldy. Bul týraly oblystyq Densaýlyq saqtaý mınıstrliginen málim etti, dep habarlaıdy QazAqparat TASS agenttigine silteme jasap.

26-29 shilde aralyǵynda 7 men 17 jastaǵy balalardan ishek ınfektsııasynan ýlanýdyń 67 oqıǵasy tirkeldi. Lagerde barlyǵy 354 bala demalǵan.

«Respýblıkanyń Shebaly aýdanynda ornalasqan balalar lagerinde 67 bala men 2 eresek adamnan asqazan-ishek aýrýlary tirkeldi», - dedi mınıstrliktegiler.

Medıtsına qyzmetkerleri lagerde demalǵan balalardyń bárin tekserdi. 29 shilde kúni keshke jańa jaǵdaı anyqtalǵan joq.

Zardap shekkenderge qajetti medıtsınalyq kómek kórsetildi. Olar aýrýdyń jeńil túrine shaldyqqan. Naýqastardy baqylaý maqsatynda ýaqytsha oqshaýlaý týraly sheshim qabyldandy. Olar aýdandyq aýrýhananyń ınfektsııalyq bólimderine jáne JITS ortalyǵyna ornalastyrylǵan.

Lager jumysyn toqtatý máselesi qaralyp jatyr. Tergeý komıteti Reseı Federatsııasy Qylmystyq kodeksiniń 238-baby («Tutynýshylardyń ómiri men densaýlyǵynyń qaýipsizdigi talaptaryna sáıkes kelmeıtin qyzmetterdi kórsetý») boıynsha qylmystyq is qozǵady.

Lagerde balalardyń qaýipsizdigine jaýapty bilim berý uıymy laýazymdy tulǵalarynyń áreketine baǵa beriledi.