Altaıda 18 kópbalaly otbasy baspanaly boldy

ALTAI. QazAqparat - Shyǵys Qazaqstan oblysynyń Altaı aýdanynda 18 kópbalaly otbasy qonys toıyn toılady, dep habarlaıdy QazAqparat tilshisi.

«Nurly jer» baǵdarlamasy boıynsha salynǵan 60 páterlik úıdiń 18 páteri kópbalaly otbasylarǵa berilip otyr. Jańa baspanaǵa ıe bolǵan januıalardyń kópten kútken qýanyshyna osy aýdanǵa jumys saparymen barǵan oblys ákimi Danıal Ahmetov te ortaqtasty.

«Bul úlken qýanysh. Elbasynyń tapsyrmasy boıynsha kópbalaly analarǵa barynsha qoldaý kórsetip jatyrmyz. Olar - elimizdiń maqtanyshy. Eń bastysy, balalar erteńine senip ósýi tıis. El irgesiniń bekýine belsendi úles qosyp jatqan otbasylarǵa páter kiltin tabystaý - men úshin úlken qurmet», - dedi Danıal Ahmetov.

Baspanaly bolǵan analar da memleket kórsetken qoldaýǵa rızashylyqtaryn bildirdi.

«Baspanaly bolǵanymyzǵa áli den sene almaı turmyn. 6 balamyz bar, eń úlkeni 15-te, kishisi 2-de ǵana. 15 jyl boıy páter jaldap kelgen edik. Al búgin ózimizdiń 3 bólmeli páterimizge kirdik. Qýanyshymda shek joq», - deıdi «Kúmis alqa» ıegeri Órik Shaımardanova.