Altaı óńiriniń qysqy sport oıyndary ashyldy

<p>ASTANA. KAZINFORM &ndash; Altaı taýynyń aınalasyndaǵy óńirlerdiń&nbsp;II&nbsp;qysqy sport oıyndary 12 qańtar kúni Qytaıdyń Altaı qalasynda salatanatty túrde ashyldy. Bul týraly <a href="http://www.news.cn/sports/20250112/e6a77f99fa8941ecbf1c2ed9de539d87/c.html" target="_blank" rel="noopener">Sınhýa</a> agenttigi habarlady.</p> <!-- [if supportFields]><span lang=EN-GB style='font-family:"Times New Roman",serif;mso-ansi-language:EN-GB'><span style='mso-element:field-begin'></span></span><span lang=KZ style='font-family: "Times New Roman",serif;mso-ansi-language:KZ'><span style='mso-spacerun:yes'> </span>= 2 \* ROMAN </span><span lang=EN-GB style='font-family:"Times New Roman",serif;mso-ansi-language:EN-GB'><span style='mso-element:field-separator'></span></span><![endif]--><!-- [if supportFields]><span lang=KZ style='font-family:"Times New Roman",serif;mso-ansi-language:KZ'><span style='mso-element:field-end'></span></span><![endif]-->

Tórt kúnge jalǵasatyn dúbirli dodada mánerlep syrǵanaý, konkımen júgirý, snoýbordıng jáne shańǵy krosy sııaqty 7 sport túri boıynsha saıystar ótedi.

Qysqy Altaı oıyndaryna Shyǵys Qazaqstan oblysynan, Reseıdiń Altaı ólkesi men Altaı, Tyva respýblıkalarynan, Mońǵolııanyń Hovda, Baıan-Ólgeı jáne Ývs aımaqtarynan, Qytaıdyń Tszılın provıntsııasynan, Sanjy dúngen avtonomııalyq oblysynan, Úrimji, Beıtýn, Týrfan qalalary men Altaı aımaǵynan 13 qurama (jalpy 170-ten astam sportshy men jattyqtyrýshy) qatysyp otyr.

Ashylý saltanatynan keıin ótken sýpergıgant (1200 m) jarysynda Úrimji qalasynyń ókili Daı Haobo erler arasynda chempıon atansa, áıelder arasynan Qazaqstan sportshysy Dmıtrıevna Kvach bas júldeni jeńip aldy.

- Qysqy Altaı oıyndaryn ótkizýdegi maqsatymyz – qysqy sport arqyly Altaıdyń «qar jáne muz ındýstrııasynyń» yqpalyn arttyryp, «Altaı taýy» qysqy týrızm brendiniń ataǵyn álemdik deńgeıge kóterý. Biz otandyq jáne sheteldik týrısterdi Altaıǵa kóptep tartýdy. Sondaı-aq ulttyq jáne provıntsııalyq deńgeıdegi shańǵyshylar quramalaryn osynda oqý-jattyǵý ótkizýge shaqyrýdy kózdep otyrmyz. Osy arqyly qysqy sport, qysqy týrızm, muz mádenıeti jáne qysqy sport jabdyqtary sekildi san salaly óndiristik qyzmetti alǵa damytýǵa jol ashylmaq, - deıdi Altaı aımaǵynyń (Qytaı) Mádenıet, sport, týrızm jáne radıo-televızııa basqarmasynyń basshysy Dildá Nábıqyzy Sınhýa agenttiginiń tilshisine bergen jaýabynda.

Altaı taýlary Qazaqstan, Reseı, Mońǵolııa jáne Qytaı aýmaǵy arqyly Batys Sibir oıpatynan Gobı shóline deıin 2000 shaqyrymǵa sozylyp jatyr. Qytaıdyń Altaı aımaǵy Altaı taýynyń kúngeı betinde, ol álem boıynsha shańǵy tebýge eń qolaıly óńirlerdiń biri sanalady. Altaı taýlarynyń aınalasyndaǵy óńirlerdiń atsalysqan alǵashqy qysqy sport oıyndary byltyr qańtar aıynda Altaı qalasynda (Qytaı) ótken bolatyn.

IX qysqy Azııa oıyndarynyń bıletteri satylymǵa shyqqanyn jazǵan bolatynbyz.