Altaı men Atyraý arasyndaǵy barsha jurt tarıhtyń jańa paraǵyn bir mezette ashty – Prezıdent

<p>ASTANA. KAZINFORM &ndash; Prezıdent Qasym-Jomart Toqaev qazaqstandyqtardy Jańa jyl merekesimen quttyqtady.</p>

- Qymbatty otandastar! Sizderdi Jańa jyl merekesimen shyn júrekten quttyqtaımyn! Búgin bárimiz júz jyldyqtyń shırek ǵasyrlyq belesine qadam basqaly turmyz. Bıyl Altaı men Atyraý arasyndaǵy barsha jurt tarıhtyń jańa paraǵyn bir mezette ashady, - dedi Prezıdent.

Memleket basshysy eki jyldyń toǵysar tusyn izgi nıetpen, erekshe kóńil kúımen kútetin halyqqa, eń aldymen amandyq tiledi.

- Bul – naǵyz otbasylyq mereke. Sondyqtan, men barshańyzǵa, eń aldymen, elimiz aman, jurtymyz tynysh, baýyrymyz bútin bolsyn degim keledi, - dep tilegin bildirdi Qasym-Jomart Toqaev.

Eske sala ketsek, 2024 jylǵy 1 naýryz kúni Qazaqstanda biryńǵaı ýaqyt beldeýi (UTC+5) ornaǵan bolatyn. 

Prezıdent quttyqtaýynyń tolyq mátinin myna silteme arqyly oqı alasyz.