Altaı Kólginovtiń kezinde jumys istegen ákimdik qyzmetkerleri qandaı kúdikke ilinip otyr

ASTANA. QazAqparat - Astana qalasynyń prokýratýrasy jer jáne sáýlet-qala qurylysy salasyndaǵy zańnamany buzý faktileri boıynsha ákimdik ústinen júrgizilgen tekserý kezinde qandaı faktiler anyqtalǵanyn túsindirdi, dep habarlaıdy QazAqparat tilshisi.

Quzyrly organnyń málimetine qaraǵanda, tekserý kezinde qurylys jobasyna túzetý engizý, memlekettik menshikten jer telimderin berý, jobalaý-izdestirý jumystaryna ruqsat berý, syzba jobasyn maquldaý máseleleri boıynsha zań buzý faktileri tirkelgen.

«Laýazymdy tulǵalardyń áreketine baǵa berý úshin metarıaldar Astana qalasy boıynsha sybaılas jemqorlyqqa qarsy is-qımyl qyzmetine joldandy. Ol materıaldar Astana qalasy ákimdiginiń qyzmetkerleri ústinen Qylmystyq kodekstiń 361-baby boıynsha (laýazymdyq ókilettigin asyra paıdalaný – red.) qozǵalǵan №230000121000017 qylmystyq istiń materıaldaryna qosyldy», - delingen prokýratýranyń redaktsııa saýalyna joldaǵan jaýabynda.

Degenmen, bul is ákimdiktiń neshe qyzmetkeriniń ústinen qozǵalǵany týraly málimet bermedi.

Bul málimettiń bári Qylmystyq-protsessýaldyq kodekstiń 201-baby boıynsha sotqa deıingi tergeýdiń qupııasy retinde jarııalaýǵa jatpaıtyny aıtylǵan.

Eske salsaq, Astana prokýratýrasy ákimdik qyzmetkerlerin tekserý úshin Antıkorǵa materıaldar joldaǵan bolatyn.

Oǵan deıin de BAQ-ta 2019-2022 jyldar aralyǵynda jer ýchaskelerin berýge jáne qalada qurylys salýǵa jaýapty Astana ákimdiginiń bólimshelerin tekserý júrip jatqany týraly aqparat taraǵan.

Bul kezeńde elorda ákimi Altaı Kólginov bolǵan edi.

Prokýratýra mamandary bastapqyda ondaǵan mektep, aýrýhana men balabaqsha salý josparyna 61 ret túzetý engizilip, saldarynan áleýmettik nysandar boı kóterýi tıis telimderge turǵyn úıler salynyp ketken.