Altaı Kólginov Úkimette qandaı máselelerge jetekshilik etedi

ASTANA. QazAqparat - QR Premer-Mınıstri Álıhan Smaıylov óziniń jańa orynbasary Altaı Kólginovtiń aldynda turǵan basym mindetterdi belgiledi. Ol Úkimette áleýmettik saladaǵy máselelerge jetekshilik etedi, dep habarlaıdy QazAqparat Úkimet saıtyna silteme jasap.

Vıtse-premer bilim men ǵylym, densaýlyq saqtaý, áleýmettik jańǵyrtý, jumyspen qamtý, mádenıet pen sport, týrızm salalaryn damytý, memlekettik jastar jáne otbasy saıasaty, qoǵamdyq sanany jańǵyrtý, konfessııaaralyq jáne etnosaralyq kelisimdi qamtamasyz etý, memlekettik til, demografııalyq jáne kóshi-qon saıasaty jáne t.b. máselelerdi baqylaýyna alady.

Álıhan Smaıylov Altaı Kólginovke jańa laýazymda jumysynyń tabysty bolýyn tiledi.

Eske salsaq, búgin Memleket basshysynyń Jarlyǵymen Altaı Kólginov Qazaqstan Respýblıkasy Premer-Mınıstriniń orynbasary laýazymyna taǵaıyndaldy. Ol buǵan deıin 3 jyl Astana qalasynyń ákimi qyzmetinde boldy.