Altaı Kólginov: Qoǵammen baılanysty júıeli júrgizýdi bastaımyz

NUR-SULTAN. QazAqparat - Elorda ákiminiń orynbasarlary men aýdan ákimderi óz salalary boıynsha turaqty túrde baspasóz máslıhatyn ótkizetin bolady, dep habarlaıdy QazAqparat.

«Memleket basshysy Qasym-Jomart Kemelulynyń halyqpen keri baılanysty kúsheıip, ashyqtyqty qamtamasyz etý týraly tapsyrmasyna sáıkes, Nur-Sultan qalasy ákimdigi qoǵammen baılanysta júıeli jumys júrgizýdi bastaıdy», - dep jazdy Nur-Sultan qlasynyń ákimi Altaı Kólginov óziniń Instagram paraqshasynda.

Onyń aıtýynsha, búginde ákimdiktiń birinshi qabatyndaǵy baspasóz-ortalyǵy qalpyna keltirildi.

«Endi basqarma basshylary, aýdan ákimderi, qala ákiminiń orynbasarlary ózderiniń salasy boıynsha bekitilgen kestege sáıkes turaqty túrde baspasóz-konferentsııa ótkizip turady.

Osy aptada jańa oqý jylyna daıyndyq, dástúrli «Mektepke jol» aktsııasyna ázirlik, jumyspen qamtý, turǵyn úı baǵdarlamalary boıynsha brıfıngter ótip, mamandar jýrnalısterdiń suraǵyna jaýap beredi» - dedi ol.

Sondaı-aq, shahar basshysy atalǵan baspasóz sharalardyń ótý ýaqyty men spıkerler týraly málimetter ákimdiktiń baspasóz qyzmeti nemese resmı aqparat kózderi arqyly habarlanatynyn aıtty.