Altaı Kólginov elordany velosıpedpen aralap shyqty

NUR-SULTAN. QazAqparat – Elorda ákimi Altaı Kólginov qalany velosıpedpen aralap shyǵyp, abattandyrý jumystarynyń qarqynyn tekserdi, dep habarlaıdy QazAqparat.

«Qalany sanıtarlyq tazartýmen qatar, saıabaqtar, alańdar, býlvarlar syndy qoǵamdyq keńistikterdi abattandyrý jumystarynyń qarqynyn arttyrýdy tapsyrdym. Qoǵamdyq keńistikterdi salyp, keńeıtý jetkiliksiz, olarǵa tıisti kútim jasaý qajet. Kóktemniń bastalýymen olardy retke keltirý kerek: qardan tazartyp, qurǵaq butaqtardy kesip, shaǵyn sáýlet nysandaryn retke keltirý qajet jáne taǵy basqasy.

«Qalany jaıaý aralaý kezinde birqatar saıabaqqa, sonyń ishinde turǵyndardyń ótinishi boıynsha ótken jyly ashylǵan «Kóktal» (Saryarqa aýdany) eldi mekenindegi saıabaqqa jáne Botanıkalyq baqqa (Esil aýdany) bardym», - dep jazdy A.Kólginov.
Astana basshysy qalany aralap shyqqan soń aýdan ákimderine birqatar tapsyrma júktedi. Budan bylaı, ákimder jumys kúniniń basynda jáne aıaǵynda ózine qarasty aýdandy aralap shyǵatyn bolady. Sondaı-aq halyqpen keri baılanys kúsheıtiledi.

«Sonymen qatar aýdan ákimderine sapasyz jumys istegen merdigerlermen kelisimshartty buzýdy, olardy jaýapkershilikke tartýdy jáne «qara tizimge« engizýdi tapsyrdym. Jumystardy oryndaý kezinde merdiger uıymdarǵa joǵary talap qoıý kásibıligi tómen merdigerlerden tapsyrys alýǵa tosqaýyl bolady. Tek osylaı ǵana qyzmet kórsetý sapasyn arttyrýǵa bolady», - dedi Nur-Sultan qalasynyń ákimi.
Aıtyp ótilgendeı, Memleket basshysynyń tapsyrmasy boıynsha «Nur-Sultan - jaıly qala»master-jospary aıasynda bıyl elorda aýdandaryn damytý jalǵasady. Mysaly, ótken jyly rekordtyq kólemdegi qoǵamdyq keńistikter, saıabaqtar, skverler, býlvarlar, aýlalar salyndy jáne jóndeldi.