18:38, 30 Naýryz 2026

Álisher Jumaqanov Azııa chempıonatynda ekinshi kúmisin qanjyǵalady

ASTANA.KAZINFORM — Qazaqstan quramasynyń trektegi velosport boıynsha ókili Álisher Jumaqanov Taıgataıda (Fılıppın) ótip jatqan Azııa chempıonatynda el qorjynyna taǵy bir júlde saldy. Bul týraly Ulttyq olmpıada komıteti málim etti. 

Foto: UOK

Qazaqstandyq sportshy skretch dıstsıplınasynda ekinshi nátıje kórsetip, kúmis medal ıelendi.

Jarysta jeńisti Haıtszıao Sýn (Qytaı) jeńip aldy. Úshinshi oryndy Tsýn Vaı Chý (Gonkong) ıelendi.

Aıta keteıik, buǵan deıin Qazaqstan quramasy úsh júlde enshilegen bolatyn.

Álisher Jumaqanov upaı boıynsha toptyq jarysta ekinshi oryn aldy. Al Ramıs Dinmuhametov pen Ilıa Karabýtov medıson jarysynda kúmis júldege ıe boldy. Sondaı-aq Rınata Sýltanova jeke iz kesý jarysynda qola medal jeńip aldy.

Eske sala keteıik, buǵan deıin Azııa chempıonatynda Qazaqstan 3 medal jeńip alǵanyn jazǵan edik.

Azııa chempıonaty Velosport Sport

Baqytgúl Abaıqyzy

E.A. Bóketov atyndaǵy Qaraǵandy memlekettik ýnıversıtetiniń túlegi. L.N. Gýmelev atyndaǵy Eýrazııa Ulttyq Ýnıversıtetiniń magıstri. "Aqparat salasynyń úzdigi" salalyq tósbelgi ıegeri (2018 j.)